Salmo 60:1-12
Ba dirijente: Tuir melodia Líriu* Hanoin-Hetan nian. David nia knananuk. Miktam.* Neʼe uza atu hanorin. Bainhira David halo funu hasoru Aram-Naaraim no Aram-Zoba, no Joab fila hodi oho ema Edom naʼin-12.000 iha Foho-Leet Masin.+
60 Oh Maromak, Ita la simu tan ami; Ita manán ona ami.+
Ita sai hirus ba ami; maibé agora, simu fali ami bá!
2 Ita halo rai nakdoko; Ita halo rai nakloke.
Favór ida, hadiʼa fali rai neʼebé atu monu ona.
3 Ita halo Ita-nia povu hetan susar.
Ita obriga ami hemu tua-uvas toʼo halo ami laʼo namlele.+
4 Favór ida, fó* sinál ba sira neʼebé hamtaʼuk ItaAtu sira bele halai no sees husi rama-oan. (Sela)
5 Salva ami ho Ita-nia liman-loos no hatán ami,+Hodi nuneʼe ema neʼebé Ita hadomi bele hetan salvasaun.
6 Maromak neʼebé santu dehan ona:*
“Haʼu sei haksolok, haʼu sei fó Siquém nuʼudar liman-rohan ba haʼu-nia povu,+No haʼu sei sukat Rai-Tetuk Sukot.+
7 Gilead no mós Manasés mak haʼu-nian,+No Efraim mak kapasete* ba haʼu-nia ulun;Judá mak haʼu-nia ai-tonka ukun-naʼin nian.+
8 Moab mak haʼu-nia basia atu fase haʼu-nia an.+
Haʼu sei soe haʼu-nia sandálias ba Edom.+
Haʼu sei haklalak ho lian manán nian tanba haʼu manán Filístia.”+
9 Sé mak sei lori haʼu ba sidade neʼebé tropa halo serku hela?*
Sé mak sei lori haʼu bá toʼo Edom?+
10 Neʼe mak Ita, oh Maromak, neʼebé la simu tan ami,Ami-nia Maromak la laʼo hamutuk tan ho ami-nia tropa sira neʼebé atu bá funu.+
11 Ajuda ami iha ami-nia tempu susar,Tanba salvasaun husi ema mak saugati deʼit.+
12 Maromak sei fó kbiit mai ita,+No nia sei sama ita-nia inimigu sira.+
Nota-rodapé
^ Haree nota iha Sal 45:Int.
^ Ka karik “Ita fó ona”.
^ Ka karik “Maromak koʼalia husi ninia fatin santu”.
^ Orj., “fatin seguru”.
^ Ka karik “sidade neʼebé iha moru aas”.
