Salmo 64:1-10
-
Protesaun husi ema neʼebé halo planu aat subasubar
-
“Maromak sei hana sira” (7)
-
Ba dirijente. David nia knananuk.
64 Oh Maromak, rona haʼu-nia lian bá, bainhira haʼu harohan ba Ita.+
Favór ida, proteje haʼu-nia moris husi inimigu neʼebé halo haʼu taʼuk.
2 Proteje haʼu husi ema aat neʼebé halo planu aat subasubar,+Husi ema sala-naʼin neʼebé barak loos.
3 Sira kadi sira-nia nanál hanesan kadi surik;Sira prepara sira-nia liafuan kroʼat hanesan prepara atu hana rama-oan,
4 No husi sira-nia subar-fatin, sira hana ema neʼebé la halo sala;Sira hana ema neʼe derrepente deʼit, sira la taʼuk.
5 Sira kaer metin sira-nia hanoin aat;*Sira koʼalia hamutuk kona-ba oinsá atu subar sira-nia lasu sira.
Sira dehan: “Sé mak sei haree lasu sira-neʼe?”+
6 Sira sempre buka dalan foun atu halo hahalok aat;Sira halo sira-nia planu subasubar ho laran-makerek;+No sira ida-idak nia hanoin iha sira-nia laran mak kleʼan tebes.
7 Maibé Maromak sei hana sira;+Sira sei hetan kanek derrepente deʼit ho rama-oan.
8 Sira-nia nanál sei halo sira rasik monu;+Ema hotu neʼebé hateke ba sira sei doko ulun.
9 Depois neʼe, ema hotu sei sai taʼuk,No sira sei fó sai buat neʼebé Maromak halo ona,No sira sei komprende kleʼan kona-ba ninia hahalok sira.+
10 Ema neʼebé iha hahalok loos sei haksolok tanba Jeová no buka protesaun husi nia;+No ema laran-loos hotu sei haksolok.*
