Salmo 65:1-13
Ba dirijente. David nia knananuk.
65 Oh Maromak, Ita sei simu hahiʼi iha Siaun;+Ami sei kumpre ami-nia juramentu ba Ita.+
2 Oh Maromak neʼebé rona ba orasaun, ema oioin sei mai hakbesik Ita.+
3 Haʼu-nia sala sira barak no todan liu ba haʼu,+Maibé Ita perdua ami-nia sala sira.+
4 Ksolok ba ema neʼebé Ita hili no lori besik ItaHodi hela iha Ita-nia pátiu* sira.+
Ami sei haksolok ho buat diʼak sira husi Ita-nia uma,+Ita-nia templu santu.*+
5 Oh Maromak neʼebé salva ami,Ita sei hatán ami hodi halo hahalok kmanek+ neʼebé tuir justisa;Ema hotu iha mundu tomak+No ema neʼebé hela iha tasi sorin neʼebé dook, sira hotu fiar metin ba Ita.
6 Ita* harii metin foho sira ho Ita-nia kbiit;Ita* mak kbiit boot tebes.+
7 Ita* halo tasi siʼak sai hakmatek,+Nuneʼe mós ho laloran neʼebé baku makaʼas no nasaun sira-nia lian barullu.+
8 Ema sira neʼebé hela iha fatin dook liu sei sai hakfodak ho Ita-nia hahalok kmanek sira;*+Ita sei halo ema sira husi parte leste no parte oeste* atu haklalak ho haksolok.
9 Ita tau matan ba rai,Halo rai fó rezultadu barak* no riku tebes.+
Mota husi Maromak mak nakonu ho bee;Ita fó ai-han ba ema,+Tanba iha dalan hanesan neʼe mak Ita prepara rai.
10 Ita habokon toʼos sira no halo tetuk rai neʼebé fila ona;Ita halo mamar rai ho udan; Ita haraik bensaun hodi halo moris fini sira.+
11 Ita hafurak tinan tomak ho bensaun diʼak sira, hanesan hafurak ho koroa;Dalan sira neʼebé Ita laʼo bá nakonu ho hahalok diʼak.+
12 Fatin iha rai-fuik neʼebé animál sira han duʼut sei kontinua iha bee barak,+No foho-oan sira hatais ksolok hanesan roupa.+
13 Fatin neʼebé iha duʼut matak, nakonu ho bibi-lubun sira,No rai-tetuk sira mós nakonu ho trigu.+
Sira haklalak ho lian manán nian, sin, sira kanta.+
Nota-rodapé
^ Ka “fatin sagradu”.
^ Orj., “Nia”.
^ Orj., “Nia”.
^ Orj., “Nia”.
^ Orj., “sinál sira”.
^ Ka “ema sira iha fatin neʼebé loro-matan saʼe toʼo fatin neʼebé loro-matan monu”.
^ Orj., “Halo ida-neʼe sai resin”.
