Salmo 90:1-17
Orasaun husi Moisés, Maromak loos nia atan.+
90 Oh Jeová, Ita mak ami-nia hela-fatin*+ husi jerasaun ba jerasaun.
2 Antes Ita halo foho siraKa antes Ita halo* mundu no rai neʼebé buras,+Ita mak Maromak, husi uluk kedas no ba nafatin.+
3 Ita halo ema fila fali ba rai-rahun;Ita dehan: “Oh imi ema sira, fila fali bá.”+
4 Tanba Ita haree tinan rihun ida mak hanesan horiseik deʼit,+Hanesan oras balu deʼit iha kalan.
5 Ita halakon sira derrepente deʼit;+ sira sai hanesan mehi deʼit;Iha dadeer sira sai hanesan duʼut matak neʼebé foin moris.+
6 Iha dadeer duʼut neʼe iha funan no sai buras fali,Maibé iha lokraik duʼut neʼe namlaek no sai maran.+
7 Tanba Ita-nia hirus tolan ona ami+No ami sai taʼuk tanba Ita-nia laran-nakali.
8 Ita hatene ami-nia sala sira;*+Ita hatudu sai ami-nia segredu tanba naroman husi Ita-nia oin.+
9 Ami-nia loron sira* sai badak daudaun tanba Ita-nia laran-nakali;No ami-nia tinan sira remata lalais hanesan iis neʼebé ema huu sai.*
10 Ami-nia moris mak toʼo tinan 70,Ka se ema ida iha forsa,* ninia tinan bele toʼo 80.+
Maibé tinan sira-neʼe nakonu ho susar no triste;Neʼe sei liu lalais deʼit, no ami la iha tan.+
11 Sé mak bele komprende forsa husi Ita-nia hirus?
Ita-nia laran-nakali mak boot, nuneʼe ami mós tenke hatudu respeitu kleʼan ba Ita.+
12 Hanorin ami oinsá atu sura ami-nia loron sira+Atu nuneʼe ami bele hetan laran neʼebé matenek.
13 Oh Jeová, fila fali mai!+ Toʼo bainhira mak situasaun sei kontinua hanesan neʼe?+
Hanoin Ita-nia atan sira bá.+
14 Iha dadeer halo ami haksolok ho Ita-nia domin neʼebé laran-metin,+Atu nuneʼe ami bele haklalak ho haksolok no kontente+ durante ami-nia loron hotu.
15 Halo ami haksolok tuir loron sira neʼebé Ita haterus ona ami,+Tuir tinan sira neʼebé ami hetan ona susar.+
16 Husik Ita-nia atan sira haree buat diʼak neʼebé Ita halo,No husik sira-nia oan sira haree Ita-nia glória.+
17 Ami hein katak ami-nia Maromak Jeová nia laran-diʼak sei tun mai ami;Favór ida, haraik bensaun ba* serbisu neʼebé ami halo ho ami-nia liman.
Sin, haraik bensaun ba* serbisu husi ami-nia liman.+
Nota-rodapé
^ Ka karik “ami-nia fatin protesaun”.
^ Ka “Ita fó moris ho moras tuur-ahi nian ba”.
^ Orj., “Ita tau ami-nia sala sira iha Ita-nia oin”.
^ Ka “moris”.
^ Ka “bisubisu”.
^ Ka “iha kbiit neʼebé la baibain”.
^ Ka “hametin”.
^ Ka “hametin”.
