Salmo 94:1-23
94 Oh Maromak Jeová neʼebé selu fali ema nia hahalok aat,+Hatudu sai Ita-nia naroman bá!
2 Hamriik bá, oh Juís ba mundu tomak.+
Selu fali aat ba ema loko an sira tuir buat neʼebé sira merese.+
3 Oh Jeová, toʼo bainhiraMak ema aat sei kontinua kontente?+
4 Sira koʼalia arbiru no koʼalia ho foti an;Ema hotu neʼebé halo sala gaba sira-nia an rasik.
5 Oh Jeová, sira haterus Ita-nia povu,+No hanehan Ita-nia liman-rohan.
6 Sira oho feto-faluk no ema estranjeiru,No sira oho oan-kiak sira.*
7 Sira hatete: “Jah la haree;+Jacob nia Maromak la haree ida-neʼe.”+
8 Komprende ida-neʼe bá, oh imi neʼebé la iha neon;Oh imi neʼebé beik, bainhira mak imi sei hatudu matenek?+
9 Ida neʼebé kria tilun, nia labele rona ka?
Ida neʼebé kria matan, nia labele haree ka?+
10 Ida neʼebé korrije nasaun sira, nia labele fó dixiplina ka?+
Nia mak Ida neʼebé hanorin koñesimentu ba ema!+
11 Jeová hatene ema nia hanoin sira,Katak sira mak hanesan deʼit ho iis neʼebé ema huu sai.+
12 Oh Jah, ksolok ba ema neʼebé Ita korrije,+Ema neʼebé Ita hanorin kona-ba Ita-nia ukun-fuan,+
13 Atu halo nia hakmatek durante tempu susar,Toʼo ema aat sira monu tiha ba rai-kuak.+
14 Tanba Jeová sei la husik hela ninia povu,+No sei la husik hela ninia liman-rohan.+
15 Tanba tesi-lia sei halaʼo fali ho justisa,No ema laran-loos hotu sei halo tuir ida-neʼe.
16 Sé mak sei hamriik atu ajuda haʼu hodi kontra ema aat?
Sé mak sei apoia haʼu hodi kontra sira neʼebé halo sala?
17 Se uluk Jeová la ajuda haʼu,Haʼu* mate tiha ona.*+
18 Bainhira haʼu dehan: “Haʼu-nia ain sidi ona”,
Oh Jeová, Ita-nia domin neʼebé laran-metin mak kontinua apoia haʼu.+
19 Bainhira haʼu laran-taridu tebes,*Ita fó kmaan ba haʼu no halo haʼu kontente.+
20 Ita sei nunka serbisu hamutuk ho ukun-naʼin sira* neʼebé halo aat,*Neʼebé planu atu halo problema liuhusi lei, loos ka lae?+
21 Sira ataka makaʼas ema laran-loos+No fó sai katak ema neʼebé la halo sala mak merese atu simu kastigu-mate.+
22 Maibé Jeová sei sai fatin protesaun* neʼebé seguru ba haʼu,Haʼu-nia Maromak mak haʼu-nia fatuk protesaun.+
23 Nia sei halo sira-nia hahalok aat fila fali ba sira-nia leten.+
Nia sei halakon sira* liuhusi sira-nia hahalok aat rasik.
Jeová, ita-nia Maromak, sei halakon sira.*+
Nota-rodapé
^ Ka “labarik sira neʼebé la iha aman”.
^ Haree “Nefes” iha Glosáriu.
^ Orj., “Haʼu hela ona ho nonook”.
^ Ka “hanoin barak”.
^ Ka “korrupsaun”.
^ Ka “Juís sira”. Orj., “Kadunan”.
^ Ka “fatin aas”.
^ Orj., “halo sira nonook”.
^ Orj., “halo sira nonook”.
