Salmo 96:1-13
96 Kanta knananuk foun ida ba Jeová.+
Oh mundu tomak, kanta ba Jeová!+
2 Kanta ba Jeová; fó hahiʼi ba ninia naran.
Loron ba loron haklaken liafuan diʼak kona-ba salvasaun husi nia.+
3 Fó sai ninia glória iha nasaun sira-nia leet,Fó sai ninia hahalok furak sira iha povu hotu nia leet.+
4 Jeová mak boot liu no merese duni atu simu hahiʼi.
Nia kmanek* liu fali maromak sira hotu.
5 Povu seluk nia maromak sira hotu mak maromak folin-laek,+Maibé Jeová mak ida neʼebé kria lalehan.+
6 Dignidade no kmanek mak iha ninia oin;+Kbiit no buat furak mak iha ninia fatin sagradu.+
7 Oh imi família sira husi nasaun hotu, fó hahiʼi ba Jeová,Fó hahiʼi ba Jeová tanba nia iha glória no kbiit.+
8 Fó glória ba Jeová tanba ninia naran;+Lori prezente no tama iha ninia pátiu* sira iha ninia uma.
9 Hakruʼuk ba* Jeová hodi uza roupa neʼebé santu;*Nakdedar iha ninia oin, oh mundu tomak!
10 Haklaken iha nasaun sira-nia leet, hodi dehan: “Jeová sai ona Liurai!+
Mundu harii metin ona, neʼe labele muda.*
Nia sei tesi-lia* ba povu sira hodi la todan ba sorin.”+
11 Husik lalehan haksolok no husik rai kontente bá;Husik tasi no mós buat hotu neʼebé iha tasi laran fó hahiʼi ba nia;+
12 Husik rai-luan sira no buat hotu neʼebé iha rai-luan haksolok bá.+
No iha tempu hanesan, husik ai-hun hotu iha ai-laran haklalak ho haksolok+
13 Iha Jeová nia oin, tanba nia mai daudaun,*Nia mai daudaun atu tesi-lia ba mundu.
Nia sei tesi-lia ho loloos ba ema hotu iha rai+No ba povu sira ho ninia laran-metin.+
Nota-rodapé
^ Ka “merese atu ema hamtaʼuk”.
^ Ka “Adora”.
^ Ka karik “tanba nia mak santu no kmanek”.
^ Ka “labele nakdoko”.
^ Ka “defende kazu”.
^ Ka “nia toʼo mai ona”.
