25:1-12

Maski Jesus uza ai-knanoik feto virjen naʼin-sanulu hodi koʼalia kona-ba ema neʼebé iha esperansa atu bá lalehan, maibé avizu husi ai-knanoik neʼe kona ema kristaun hotu. (w15 15/3 p. 12-16) “Tan neʼe, matan-moris nafatin bá, tanba imi la hatene loron no oras.” (Mt 25:13) Ita bele esplika Jesus nia ai-knanoik neʼe ka lae?

• Noivu (vs. 1)​—Jesus

• Feto virjen sira neʼebé matenek no prepara an (vs. 2)​—Kristu nia alin sira neʼebé prepara an hodi halaʼo sira-nia knaar ho laran-metin no sai nabilan hanesan ahi-oan neʼebé fó naroman toʼo rohan (Flp 2:15)

• Ema hakilar: “Noivu mai ona!” (vs. 6)​—Evidénsia katak Jesus toʼo ona mai

• Feto virjen sira neʼebé beik (vs. 8)​—Kristu nia alin sira neʼebé sai bá hasoru Noivu maibé la matan-moris tan no la laran-metin ona

• Feto virjen sira neʼebé matenek lakohi fahe sira-nia mina (vs. 9)​—Tempu simu marka ikus nian liu tiha, tarde ona ba Kristu nia alin sira neʼebé laran-metin atu fó ajuda ba sira neʼebé husik sira-nia laran-metin

• “Noivu toʼo mai” (vs. 10)​—Jesus mai atu tesi lia besik tempu terus boot nia rohan

• Feto virjen sira neʼebé matenek tama hamutuk ho noivu, no odamatan taka tiha (vs. 10)​—Jesus lori ninia alin sira neʼebé laran-metin ba lalehan, maibé sira neʼebé la laran-metin lakon sira-nia kolen lalehan nian