MORIS KRISTAUN NO HAKLAKEN PROGRAMA NO NOTA Abríl 2017
Ezemplu atu haklaken
Sujestaun oinsá atu fahe Matan-moris bá! no lia-loos ida husi Bíblia kona-ba Maromak nia Ukun. Uza ezemplu sira-neʼe atu hakerek ita-nia liafuan rasik.
RIKUSOIN HUSI BÍBLIA
Husik Jeová hadiʼa Ita-nia hanoin no hahalok
Jeová, nuʼudar Badain Sanan-Rai neʼebé Boot, hadiʼa ita-nia hahalok espirituál, maibé ita mós tenke halo buat ruma.
MORIS NUʼUDAR EMA KRISTAUN
Simu sira ho laran
Ema hotu neʼebé tuir ita-nia reuniaun tenke haree ita hatudu domin ba malu. Se nuneʼe, oinsá mak ita bele hola parte atu hatudu katak ita hafolin ema iha reuniaun?
RIKUSOIN HUSI BÍBLIA
Ita iha “laran neʼebé hakarak hatene” Jeová ka lae?
Iha Jeremias kapítulu 24, Maromak Jeová kompara ema hanesan ai-figeira fuan. Sé mak hanesan ho ai-figeira fuan neʼebé diʼak, no oinsá mak ita bele banati-tuir sira ohin loron?
MORIS NUʼUDAR EMA KRISTAUN
Fó laran-manas ba irmaun ka irmán neʼebé la ativu ona
Irmaun-irmán sira neʼebé la ativu ona nafatin iha folin boot ba Maromak Jeová. Oinsá mak ita bele ajuda sira atu fila fali ba kongregasaun?
RIKUSOIN HUSI BÍBLIA
Sai aten-brani hanesan Jeremias
Jeremias fó sai profesia katak Jeruzalein sei rahun. Oinsá mak nia bele hatudu nafatin aten-brani?
MORIS NU’UDAR EMA KRISTAUN
Knananuk reuniaun sira fó laran-manas ba ita
Knananuk reuniaun sira hametin irmaun sira iha komarka Sachsenhausen. Knananuk sira-neʼe mós bele fó laran-manas ba ita iha tempu ita hasoru terus.
RIKUSOIN HUSI BÍBLIA
Jeová fó sai nanis kona-ba aliansa foun
Tanbasá mak aliansa foun la hanesan ho aliansa Ukun-Fuan nian no iha dalan saida aliansa foun neʼe sei lori bensaun ba nafatin?
