Iha apóstolu Paulo nia karta ba Tito, Paulo dehan katak joven sira, inklui Tito, tenke hatudu “ezemplu kona-ba halo hahalok diʼak iha buat hotu”. (Tit 2:6, 7) Iha kapítulu neʼebé hanesan, Paulo dehan katak Jesus hamoos ona Jeová nia povu atu sira bele “halo serbisu diʼak sira”. (Tit 2:14) Serbisu diʼak ida mak atu haklaken no hanorin kona-ba Maromak nia Ukun. Sé Ita mak joven hela, Ita bele uza Ita-nia tempu no forsa atu serbí nuʼudar pioneiru estra ka pioneiru regulár ka lae?​—Prv 20:29.

Se Ita hakarak serbí nuʼudar pioneiru ida, organiza didiʼak Ita-nia tempu no atividade sira atu bele kumpre ida-neʼe. (Lc 14:28-30) Porezemplu, oinsá kona-ba osan, oinsá mak Ita bele tau matan ba Ita-nia presiza rasik? Oinsá mak Ita bele kumpre oras nuʼudar pioneiru? Halo orasaun ba Jeová atu ajuda Ita kona-ba buat sira-neʼe. (Sal 37:5) Koʼalia hamutuk Ita-nia planu neʼe ho inan-aman ka ho sira neʼebé hetan ona susesu nuʼudar pioneiru. Tuirmai foti hakat sira atu kumpre Ita-nia planu neʼe. Jeová sei haraik duni bensaun ba Ita-nia hakaʼas an iha Ita-nia serbisu ba nia!

HAREE VÍDEO JOVEN SIRA FÓ HAHIʼI BA JEOVÁ, NO DEPOIS HATÁN BA PERGUNTA SIRA TUIRMAI NEʼE:

• Dezafiu saida deʼit mak sira balu hasoru nuʼudar pioneiru ida, no oinsá mak sira bele rezolve ida-neʼe?

• Oinsá mak inan-aman bele ajuda oan sira atu serbí nuʼudar pioneiru regulár?

• Tanbasá importante atu iha oráriu kona-ba haklaken?

• Oinsá mak ita iha kongregasaun laran bele fó laran-manas no ajuda pioneiru sira?

• Bensaun saida deʼit mak pioneiru sira hetan?