Diʼak tebes atu banati-tuir Isaías nia ezemplu kona-ba sai prontu. Nia hatudu fiar no bainhira iha presiza, nia prontu atu ajuda maski nia seidauk hatene buat hotu kona-ba ninia knaar. (Isa 6:8) Ita bele halo mudansa ba Ita-nia moris atu serbí iha fatin neʼebé presiza liután haklaken-naʼin ka lae? (Sal 110:3) Klaru katak ita presiza “tuur uluklai hodi sura” antes muda bá fatin ruma. (Lc 14:27, 28) Maibé sai prontu atu halo sakrifísiu ba serbisu haklaken. (Mt 8:20; Mc 10:28-30) Hanesan ita haree husi vídeo kona-ba Muda ba fatin neʼebé presiza liután haklaken-naʼin, ita sei simu bensaun barak husi Jeová liu fali sakrifísiu sira neʼebé ita halo.

• Ema ida-idak iha família Williams presiza halo sakrifísiu saida deʼit atu bele serbí iha rai-Ekuadór?

• Sira presiza haree kona-ba saida deʼit bainhira hanoin hela atu serbí iha fatin seluk?

• Sira hetan bensaun saida deʼit?

• Ita bele hetan informasaun husi neʼebé se ita hakarak serbí iha fatin neʼebé presiza liután haklaken-naʼin?

• Oinsá atu aumenta liután ita-nia haklaken nuʼudar família? (km 8/11 p. 4-6)

• Se ita la bele serbí iha fatin neʼebé presiza liután haklaken-naʼin, oinsá mak ita bele apoia ita rasik nia kongregasaun? (w16.03 p. 23-25)