TANBASÁ IMPORTANTE: Jeová halo fini lia-loos nian moris iha ema sira neʼebé “prontu atu simu lia-loos” nia laran. (Aps 13:48; 1Ko 3:7) Bainhira ita haklaken, ita serbisu hamutuk ho Jeová hodi ajuda ema neʼebé hakarak halo tuir buat neʼebé sira aprende. (1Ko 9:26) Estudante Bíblia presiza komprende katak ema kristaun tenke hetan batizmu atu bele hetan salvasaun. (1Pe 3:21) Ita ajuda sira sai dixípulu hodi hanorin sira atu halo mudansa iha sira-nia moris, atu haklaken no hanorin, no mós atu dedika sira-nia moris ba Jeová.​—Mt 28:19, 20.

OINSÁ ATU HALO IDA-NEʼE:

• Fó-hanoin ba estudante Bíblia katak objetivu husi sira-nia estuda mak atu ajuda sira “hatene didiʼak” Jeová no halo nia kontente.​—Jo 17:3

• Ajuda sira atu laʼo ba oin hodi manán susar neʼebé hanetik sira, hanesan toman aat no ransu neʼebé ladiʼak

• Hametin no anima sira antes no depois sira hetan batizmu.​—Aps 14:22

HAREE VÍDEO MAROMAK JEOVÁ SEI AJUDA Ó, DEPOIS HATÁN BA PERGUNTA SIRA TUIRMAI NEʼE:

• Saida mak bele hanetik ema ida atu dedika an no hetan batizmu?

• Oinsá mak katuas sira bele ajuda estudante Bíblia atu laʼo ba oin?

• Isaias 41:10 hanorin saida ba ita kona-ba Jeová?

• Hahalok saida deʼit mak sei ajuda ita atu serbí Jeová maski la perfeitu?