Husi tinan 2018, ita-nia revista públiku sira koʼalia deʼit kona-ba tópiku ida kada revista. Revista sira-neʼe mak parte husi ita-nia Ekipamentu Hanorin nian. Tan neʼe ita uza ida-neʼe iha serbisu haklaken. Karik ita mós bele lori ida-neʼe bainhira bá pasiar ka kompras. Revista sira laʼós atu uza hodi estuda Bíblia ho ema, maibé revista sira-neʼe bele book ema atu aprende liután kona-ba Maromak.

Depois koʼalia tiha, fahe eskritura ida no temi pontu balu husi revista neʼe neʼebé bele ajuda ema neʼe. Porezemplu, se nia mak kaben-naʼin ida ka sente triste ka estrese hela, karik Ita bele dehan: “Haʼu lee ona informasaun kapás ida iha revista neʼe. Haʼu bele hatudu ba Ita?” Se Ita haree ema neʼe interese, Ita bele rai hela revista neʼe ba nia ka haruka kópia eletróniku, maski foin hasoru dala primeiru. Maski fahe revista mak laʼós ita-nia objetivu prinsipál, maibé revista sira bele ajuda ita atu hetan ema neʼebé hakarak simu no aprende lia-loos.—Aps 13:48.