MORIS NUʼUDAR EMA KRISTAUN
“Hatudu respeitu ba imi-nia inan-aman”
Bainhira Jesus iha rai, nia fó-hanoin fali mandamentu neʼe: “Hatudu respeitu ba imi-nia inan-aman.” (Êx 20:12; Mt 15:4) Jesus bele koʼalia hanesan neʼe tanba nia “halo tuir” ninia inan-aman iha tempu nia sei joven. (Lc 2:51) Bainhira Jesus sai boot, nia mós halo arranju hodi ema bele tau matan ba ninia inan kuandu Jesus mate.—Jo 19:26, 27.
Ohin loron mós hanesan, joven sira neʼebé halo tuir no koʼalia iha dalan neʼebé diʼak ba inan-aman hatudu katak sira respeitu inan-aman. Tuir loloos mandamentu kona-ba hatudu respeitu ba inan-aman iha folin ba tempu hotu. Maski inan-aman sai idade ona, ita tenke hatudu nafatin respeitu ba sira no aprende husi sira-nia matenek. (Prv 23:22) Se ita-nia inan-aman neʼebé idade ona presiza apoiu ka iha presiza ekonomia nian, ita tenke tau matan ba sira. (1Ti 5:8) Atu joven ka ema boot, diʼak atu koʼalia beibeik ho ita-nia inan-aman, no neʼe mak dalan importante ida atu hatudu respeitu ba sira.
HAREE VÍDEO ISTÓRIA HUSI PINTÓR OINSÁ MAK HAʼU BELE KOʼALIA BA HAʼU-NIA INAN-AMAN? DEPOIS HATÁN BA PERGUNTA SIRA TUIRMAI NEʼE:
-
Tanba razaun saida mak karik Ita sente susar atu koʼalia ba Ita-nia inan-aman?
-
Oinsá mak Ita bele hatudu respeitu ba inan-aman bainhira koʼalia ho sira?
-
Tanbasá mak diʼak atu koʼalia ba Ita-nia inan-aman? (Prv 15:22)