Ita hakarak rega fini lia-loos neʼebé ita kuda. (1Ko 3:6) Tan neʼe mak bainhira ita hetan ema neʼebé hatudu interese ba lia-loos, diʼak atu husu pergunta ida ba nia atu ita bele koʼalia fali iha tempu seluk. Ida-neʼe bele halo nia simu fali ita no mós halo fasil ba ita atu hatene koʼalia kona-ba saida bainhira ita vizita fali ema neʼe. Kuandu loron seluk ita bá fali, ita bele koʼalia katak ita mai atu koʼalia fali pergunta neʼebé uluk ita husu ba nia.

• Bainhira prepara tópiku ba haklaken, diʼak mós atu prepara pergunta ida hodi husu ba uma-naʼin atu koʼalia fali loron seluk. Pergunta neʼe bele foti husi livru neʼebé ita fahe ba nia, ka pergunta husi livru neʼebé ita atu uza ba estuda Bíblia ho nia.

• Bainhira koʼalia tiha ho ema neʼebé hatudu interese, fó-hatene ba nia katak ita hakarak atu koʼalia tan ho nia no tuirmai husu pergunta neʼebé ita prepara nanis ba nia. Se bele, keta haluha atu husu oinsá atu kontaktu fali nia.

• Se ita promete ona katak ita sei mai fali iha loron neʼe, halo tuir ita-nia liafuan.—Mt 5:37.