Se Ita mak joven Kristaun neʼebé seidauk batizmu ka estudante Bíblia ida, Ita iha planu atu batizmu? Tanbasá Ita tenke batizmu? Dedikasaun no batizmu loke dalan mai ita atu iha relasaun espesiál ho Jeová. (Sal 91:1) Neʼe mós lori ita ba salvasaun. (1Pe 3:21) Oinsá mak ita bele laʼo ba oin toʼo hetan batizmu?

Prova ba Ita-nia an katak neʼe mak lia-loos. Bainhira Ita hanoin kona-ba pergunta ida, halo estuda mesak atu hetan ninia resposta. (Rom 12:2) Buka hatene saida mak Ita presiza hadiʼa, no Ita halo ida-neʼe tanba hakarak Jeová kontente. (Prv 27:11; Éf 4:23, 24) Sempre halo orasaun husu ajuda. Fiar metin katak Jeová sei hametin no apoia Ita ho ninia espíritu santu. (1Pe 5:10, 11) Ita-nia hakaʼas an sei lori rezultadu. Serbí Jeová mak buat neʼebé diʼak liu iha ita-nia moris!—Sal 16:11.

HAREE VÍDEO DALAN ATU HETAN BATIZMU, DEPOIS HATÁN BA PERGUNTA TUIRMAI:

• Susar saida mak ema balu hasoru kuandu atu hetan batizmu?

• Oinsá mak ita bele haburas fiar atu dedika Ita-nia an ba Jeová?

• Saida mak motiva ona ema balu atu foti hakat sira neʼebé presiza hodi hetan batizmu?

• Se ita hili atu serbí Jeová, bensaun saida mak ita sei hetan?

• Dedikasaun no batizmu katak sá?