Tanbasá tinan-tinan ita gosta tebes atu tuir reuniaun boot sira? Hanesan tempu Izraél antigu nian, reuniaun boot iha ita-nia tempu mak oportunidade mai ita atu adora Jeová hamutuk ho maluk fiar-naʼin sira atus ba atus, no rihun ba rihun. Ita kontente tanba simu ai-han espirituál neʼebé barak. Ita mós hetan buat folin-boot barak tanba gasta tempu hamutuk irmaun-irmán sira no família. Buat sira hanesan neʼe book ita atu tuir reuniaun ba loron ida-idak husi reuniaun boot loron tolu nian.

Bainhira ita iha oportunidade atu halibur hamutuk, ita labele hanoin deʼit buat diʼak saida mak ita rasik sei hetan, maibé oinsá mak ita bele hatudu domin ba ema seluk. (Gal 6:10; Ebr 10:24, 25) Bainhira ita loke odamatan ba ita-nia irmaun-irmán sira ka fó tuur-fatin ba ema seluk, neʼe hatudu katak ita tau uluk ema seluk nia diʼak. (Flp 2:3, 4) Reuniaun boot sira fó ita oportunidade furak atu hetan belun foun sira. Antes no depois programa no durante deskansa han-meiudia, ita bele halo planu atu uza tempu neʼe hodi koʼalia ho ema neʼebé ita foin hasoru. (2Ko 6:13) Relasaun belun neʼebé ita hetan iha tempu hanesan neʼe bele tahan ba nafatin! No mós, bainhira ema seluk haree ita hatudu domin neʼebé loos ba malu, karik neʼe sei book sira atu adora Jeová hamutuk ho ita.—Jo 13:35.

HAREE VÍDEO “DOMIN NUNKA LAKON”! REUNIAUN BOOT INTERNASIONÁL, DEPOIS HATÁN BA PERGUNTA TUIRMAI:

• Domin hanesan saida mak delegadu sira sente iha reuniaun boot internasionál 2019 nian?

• Tanbasá mak unidade no domin entre Jeová nia povu mak furak tebes?

• Oinsá mak Grupu Administradór esplika kona-ba domin kristaun?

• Oinsá mak domin hametin ita-nia irmaun-irmán sira iha Alemaña no Koreia Súl?

• Ita presiza hatudu saida?