Susar saida mak Ita hasoru loroloron? Ita mak ulun ba família neʼebé iha responsabilidade barak tebes? Ita mak inan ka aman neʼebé mesak deʼit tau matan ba família? Ita mak joven neʼebé iha eskola hasoru situasaun la diʼak husi joven seluk? Ita iha problema kona-ba saúde tanba idade aumenta? Ema hotu hasoru susar. Ema Kristaun barak mak hasoru susar oioin iha tempu hanesan. Maski nuneʼe, ita hatene katak lakleur tan ita sei livre husi situasaun susar sira-neʼe.—2Ko 4:16-18.

Maibé agora ita bele sente kmaan tanba hatene katak Jeová komprende ita-nia problema sira, hafolin ita-nia laran-metin no tahan, no nia sei haraik bensaun barak mai ita. (Jer 29:11, 12) Jesus mós iha interese mai ita. Nuʼudar ita halaʼo ita-nia responsabilidade nuʼudar ema Kristaun, ita bele tau fiar ba Jesus nia liafuan katak: “Haʼu sei hamutuk nafatin ho imi.” (Mt 28:20) Bainhira ita medita kona-ba liberdade iha Maromak nia Ukun okos, neʼe hametin ita-nia esperansa no ajuda ita tahan susar neʼebé ita hasoru agora.—Rom 8:19-21.

HAREE VÍDEO “ANIN-BOOT” BESIK DAUDAUN ONA, HATEKE DIDIʼAK BA JESUS!—BENSAUN SIRA HUSI MAROMAK NIA UKUN, DEPOIS HATÁN BA PERGUNTA TUIRMAI:

• Oinsá mak ema bele dook husi Maromak, no saida mak ninia rezultadu?

• Futuru saida mak sei akontese ba ema neʼebé laran-metin ba Jeová?

• Oinsá mak futuru kapás neʼe bele akontese?

• Ita hein namanas ba promesa furak saida kona-ba mundu foun?