Hanesan Jeová organiza povu Izraél iha tempu uluk, ohin loron Jeová mós organiza ninia povu atu halaʼo ninia hakarak. Iha mundu tomak, sukursál sira, katuas área sira, no kongregasaun sira serbisu hamutuk hodi ema bele rona kona-ba liafuan diʼak. Ita haklaken ba ema hotu, inklui ema neʼebé koʼalia língua seluk.—Apk 14:6, 7.

Ita hanoin ona atu aprende língua seluk hodi bele ajuda ema aprende kona-ba lia-loos? Maski ita ladún iha tempu atu aprende língua ida, ita bele uza aplikasaun JW Language atu aprende liafuan simples atu haklaken. Tuirmai, kuandu ita uza ona ida-neʼe iha serbisu haklaken, ita mós sei sente kontente hanesan buat neʼebé ema Kristaun sira iha tempu uluk sente kuandu ema husi rai seluk gosta tebes atu rona iha sira-nia língua rasik kona-ba “buat furak oioin neʼebé Maromak halo”.—Aps 2:7-11.

HAREE VÍDEO SAI JEOVÁ NIA BELUN—HAKLAKEN BA EMA IHA LÍNGUA SELUK, DEPOIS HATÁN BA PERGUNTA TUIRMAI:

• Bainhira mak ita bele uza aplikasaun JW Language?

• Saida mak buat diʼak balu husi aplikasaun neʼe?

• Língua saida deʼit mak ema iha Ita-nia área uza?

• Saida mak Ita sei halo se ema ruma neʼebé koʼalia língua seluk hatudu interese ba lia-loos?—od-IN p. 100-101 par. 39-41