Maromak nia Liafuan bele troka ita-nia moris. (Ebr 4:12) Maski nuneʼe, atu hetan benefísiu husi ninia matadalan no konsellu, ita presiza fiar katak neʼe mak “Maromak nia liafuan”. (1Ts 2:13) Oinsá mak ita bele hametin ita-nia fiar ba Bíblia?

Lee Bíblia loron-loron. Nuʼudar Ita lee, buka evidénsia neʼebé hatudu katak Jeová mak Autór ba Bíblia. Porezemplu, haree didiʼak konsellu neʼebé matenek iha livru Provérbios no oinsá atu aplika ida-neʼe iha Ita-nia moris.—Prv 13:20; 14:30.

Komesa halo projetu atu estuda. Buka-hatene didiʼak evidénsia neʼebé hatudu katak Bíblia mai husi Maromak. Iha Livru atu ajuda Testemuña ba Jeová buka informasaun, haree iha tópiku “Bíblia” no tuirmai “Eskritura hotu mai husi Maromak”. Ita mós bele estuda informasaun iha Tradusaun Mundu Foun Apéndise A3 atu hametin Ita-nia fiar katak Bíblia nia liafuan la troka.

HAREE VÍDEO TANBASÁ ITA BELE FIAR . . . MAROMAK NIA LIAFUAN, DEPOIS HATÁN BA PERGUNTA TUIRMAI:

• Oinsá mak templu nia didin neʼebé arkeólogu sira hetan iha Karnak, rai-Ejitu, hatudu katak Maromak nia Liafuan mak loos?

  Your answer

• Oinsá mak ita hatene katak Bíblia nia liafuan la troka?

  Your answer

• Oinsá mak hodi hatene katak Bíblia nafatin iha toʼo ohin loron halo Ita fiar katak Bíblia mak Maromak nia Liafuan?—Lee Isaias 40:8

  Your answer