Tinan-tinan, Jeová nia povu hein namanas atu komemora Memoriál hamutuk ho maluk sira. Durante semana balu antes no depois Memoriál, ita aproveita oportunidade espesiál atu fó hahiʼi no agradese ba Jeová tanba Jesus nia sakrifísiu. (Éf 1:3, 7) Porezemplu, ita hakaʼas an konvida ema seluk atu tuir Memoriál. Irmaun-irmán balu halo mudansa ho sira-nia oráriu atu bele foti pioneiru estra ho oras 30 ka 50 iha fulan-Marsu ka Abríl. Ita hakarak aumenta Ita-nia serbisu haklaken durante tempu Memoriál ka lae? Saida mak bele ajuda Ita atu halo ida-neʼe ho susesu?

Baibain, ita bele kumpre buat barak kuandu ita halo planu nanis. (Prv 21:5) Tanba tempu Memoriál besik ona, agora mak tempu diʼak atu komesa halo planu. Hanoin toʼok oinsá mak Ita hakarak aumenta Ita-nia serbisu haklaken durante tempu Memoriál, no saida mak Ita presiza halo atu bele kumpre planu neʼe. Tuirmai husu Jeová atu haraik bensaun ba Ita-nia hakaʼas an.—1Jo 5:14, 15.

Ita bele hanoin kona-ba dalan balu atu aumenta Ita-nia serbisu haklaken durante tempu Memoriál?