Ita bele uza didiʼak ita-nia forsa bainhira halo planu kona-ba oinsá atu aumenta ita-nia serbisu ba Jeová. (1Ko 9:26) Halo planu bele ajuda ita atu uza didiʼak ita-nia tempu iha sistema neʼe nia rohan. (Éf 5:15, 16) Durante Ita-nia adorasaun família, koʼalia hamutuk kona-ba planu saida mak Ita sei halo iha tinan serbisu nian tuirmai. Livru neʼe iha informasaun balu neʼebé bele ajuda Ita atu hanoin didiʼak no halo orasaun kona-ba Ita-nia planu.​—Tgo 1:5.

Porezemplu, se família tomak ajuda malu, karik ema ida bele foti pioneiru regulár. Se Ita duvida kona-ba kumpre oras, koʼalia ho pioneiru balu neʼebé iha situasaun hanesan ho Ita. (Prv 15:22) Karik, Ita mós bele halo entrevista ba pioneiru ida iha Ita-nia adorasaun família nian. Tuirmai hakerek oráriu neʼebé diʼak ba Ita. Se Ita mak uluk serbí ona nuʼudar pioneiru, hanoin didiʼak Ita-nia situasaun agora permite atu foti fali pioneiru ka lae.

Ema balu iha Ita-nia família bele ka lae foti pioneiru estra ba fulan ida ka liu? Maski Ita-nia kbiit la toʼo, karik Ita bele foti pioneiru estra hodi uza oras uitoan loroloron atu haklaken. Se Ita la iha tempu atu haklaken iha loron baileet tanba serbisu ka eskola, karik Ita bele hili fulan neʼebé iha loron feriadu ka iha findesemana dala lima. Halo nota iha kalendáriu kona-ba bainhira mak Ita planu atu foti pioneiru estra no hakerek kona-ba Ita-nia oráriu.​—Prv 21:5.

HAREE VÍDEO SAI ATEN-BRANI . . . PIONEIRU, DEPOIS HATÁN BA PERGUNTA TUIRMAI:

• Oinsá mak Jeová tau matan ba irmán Emma? Neʼe hanorin saida mai ita?