Sentimentu hanoin ema mak abilidade atu bele komprende ema seluk nia hanoin, sentimentu, buat neʼebé sira gosta no presiza. Ema seluk bele nota bainhira ita hanoin sira. Ita bele haburas sentimentu hanoin ema kuandu ita iha hakarak neʼebé makaʼas atu ajuda ema seluk. Bainhira ita hatudu sentimentu neʼe iha serbisu haklaken, ita haleno Jeová nia domin, no neʼe ajuda ema seluk atu hakbesik ba nia.—Flp 2:4.

Sentimentu hanoin ema tenke mai husi laran, no neʼe sei hatudu sai liuhusi ita-nia atitude, ita-nia oin, dalan neʼebé ita book an, koʼalia no rona. Ita hanoin ema hodi hatudu interese ho laran ba ema seluk. Ita haree didiʼak ba buat neʼebé sira gosta, fiar, no sira-nia susar. Ita bele oferese informasaun ruma no ajuda, maibé labele obriga sira atu troka sira-nia hahalok. Bainhira ema ida hatudu katak nia hakarak ita ajuda nia, neʼe sei aumenta ita-nia ksolok iha serbisu haklaken.

HAREE VÍDEO DRAMA HETAN KSOLOK HODI HANORIN EMA SAI DIXÍPULU—AUMENTA ITA-NIA MATENEK—HANOIN EMA, DEPOIS HATÁN BA PERGUNTA TUIRMAI:

• Oinsá mak Nita hatudu katak nia hanoin Dalia maski Dalia mai tarde?

• Oinsá mak Nita hatudu katak nia hanoin Dalia bainhira Dalia dehan nia estrese toʼo labele estuda Bíblia?

• Oinsá mak Nita hatudu katak nia hanoin Dalia bainhira Dalia dehan nia laʼós ema neʼebé gosta organiza buat hotu ho didiʼak?