Moisés nia Ukun-Fuan fó mandamentu ba mane neʼebé planu atu soe ninia feen tenkesér halo surat soe-malu tuir lei. Neʼe atu hanetik ema hodi la soe sira-nia kaben ho ansi. Maibé toʼo tiha Jesus nia tempu, ulun-naʼin relijiaun sira halo fasil ba ema atu soe-malu. Tan neʼe, mane sira soe sira-nia feen ho razaun naran deʼit. (“surat soe-malu nian” nota estudu ba Mc 10:4, nwtsty​—mwbr18.05; “soe nia feen”, “halo sala-foʼer no la laran-metin ba nia feen” nota estudu ba Mc 10:11, nwtsty​—mwbr18.05) Jesus fó-hanoin ba ema katak Jeová rasik mak arranja no harii moris kaben nian. (Mc 10:2-12) Feen ho laʼen tenkesér sai “isin ida deʼit” ba nafatin. Evanjellu Mateus hatete katak razaun ida deʼit husi eskritura neʼebé fó lisensa ba ema atu soe-malu mak “halo sala-foʼer”.​—Mt 19:9.

Ohin loron, ema barak haleno ema farizeu sira-nia hanoin neʼebé la hatudu respeitu ba moris kaben nian. Iha mundu, bainhira problema ruma mosu, sira soe-malu kedas. Maibé ema kristaun sira hatudu respeitu tebes ba sira-nia juramentu kaben nian no hakaʼas an hodi uza Bíblia nia prinsípiu sira atu rezolve problema ruma neʼebé mosu. Bainhira haree tiha vídeo Domin no respeitu hametin família sira, hatán ba pergunta sira tuirmai neʼe:

• Iha dalan saida mak Ita bele aplika Provérbios (Amsal) 15:1 iha Ita-nia moris kaben nian, no tanbasá mak importante?

• Oinsá mak aplika Provérbios (Amsal) 19:11 bele ajuda Ita atu sees husi problema sira?

• Se Ita-nia moris kaben nian besik ona naksobu, duké hanoin: ‘Ami tenke soe-malu ka lae?’ diʼak atu hanoin kona-ba pergunta saida deʼit?

• Oinsá mak aplika Mateus 7:12 bele ajuda Ita atu sai feen ka laʼen neʼebé diʼak liután?