Domin mak hanesan goma neʼebé halo família sai metin liu. Família sei la iha unidade no serbisu hamutuk, se la iha domin ba malu. Oinsá mak feen, laʼen no inan-aman sira bele hatudu domin iha uma-laran?

Laʼen neʼebé hadomi ninia feen, tenke hanoin kona-ba feen nia presiza, hanoin, no sentimentu. (Éf 5:28, 29) Nia sei tau matan ba família nia presiza espirituál no fíziku, inklui halaʼo beibeik Adorasaun Família nian. (1Ti 5:8) Feen neʼebé hadomi ninia laʼen, hatudu “respeitu kleʼan” ba ninia laʼen. (Éf 5:22, 33; 1Pe 3:1-6) Feen no laʼen tenke prontu fó perdua ba malu ho laran. (Éf 4:32) Inan-aman neʼebé hadomi sira-nia oan, hatudu interese ba sira-nia oan ida-idak no hanorin sira atu hadomi Jeová. (Deu 6:6, 7; Éf 6:4) Buka hatene kona-ba susar saida mak sira-nia oan hasoru iha eskola. Sira tahan hasoru susar husi joven seluk ka lae? Bainhira moris família nian nakonu ho domin, ema hotu iha família laran sei sente hakmatek no seguru.

HAREE VÍDEO KONTINUA HATUDU DOMIN IHA FAMÍLIA LARAN, DEPOIS HATÁN BA PERGUNTA SIRA TUIRMAI:

• Oinsá mak laʼen tau matan no hafolin ninia feen?

• Oinsá mak feen hatudu respeitu kleʼan ba ninia laʼen?

• Oinsá mak inan-aman hanorin Maromak nia Liafuan ba sira-nia oan?