Dixiplina liga liu ho matadalan no hanorin, maibé mós inklui korrije no kastigu. Jeová dixiplina ita hodi nuneʼe ita bele adora nia iha dalan neʼebé loos. (Rom 12:1; Ebr 12:10, 11) Dala ruma dixiplina halo ita sente laran-kanek, maibé neʼe sei lori ita ba hahalok loos no simu bensaun. (Prv 10:7) Ema neʼebé fó dixiplina no simu dixiplina presiza hanoin-hetan saida?

Ema neʼebé fó dixiplina. Katuas kongregasaun, inan-aman, no ema seluk koko atu fó dixiplina ho domin hanesan buat neʼebé Jeová halo. (Jer 46:28) Maski dixiplina neʼebé makaʼas mós tenke fó tuir presiza no fó tanba domin.—Tit 1:13.

Ema neʼebé simu dixiplina. Maski dixiplina naran deʼit, ita presiza simu ida-neʼe no hakaʼas an atu halo tuir kedas. (Prv 3:11, 12) Nuʼudar ema neʼebé la perfeitu, ita hotu presiza dixiplina neʼebé mai husi dalan oioin. Karik ita simu dixiplina liuhusi buat neʼebé ita lee iha Bíblia ka rona iha reuniaun sira. Ka dala ruma ema balu simu dixiplina liuhusi grupu tesi-lia nian. Se ita simu dixiplina no aplika, ita-nia moris sei sai diʼak liu no bele lori ba moris rohan-laek.—Prv 10:17.

HAREE VÍDEO “JEOVÁ FÓ DIXIPLINA BA SIRA NEʼEBÉ NIA HADOMI”, DEPOIS HATÁN BA PERGUNTA SIRA TUIRMAI:

• Bainhira sei kiʼik Canon nia moris oinsá, no oinsá ida-neʼe troka?

• Dixiplina saida mak nia simu husi Jeová?

• Saida mak ita bele aprende husi ninia esperiénsia?