Ema Kristaun neʼebé loos hakaʼas an atu halo buat hotu hodi bazeia ba domin. Domin “la haksolok ho hahalok la loos”. (1Ko 13:4, 6) Tan neʼe, ita sei hadook an husi atividade neʼebé liga ho hahalok la morál no violénsia. No mós, ita la kontente bainhira ema seluk hasoru susar, maski ema neʼe halo aat mai ita.—Prv 17:5.

HAREE VÍDEO HANOIN-HETAN OINSÁ ATU HATUDU DOMIN—LA HAKSOLOK HO HAHALOK LA LOOS, DEPOIS HATÁN BA PERGUNTA TUIRMAI:

• David sente oinsá kuandu hatene katak Saul no Jonatan mate?

• Saida mak David halo ba Saul no Jonatan?

• Tanbasá David la kontente bainhira Saul mate?