MORIS NUʼUDAR EMA KRISTAUN
Ita prepara ona ba krize ruma ka lae?
Tanba mundu nia rohan besik daudaun, karik krize, terrorizmu, no funu sei aumenta liután. (Apk 6:4) Oinsá mak ita bele prepara an?
-
Preparasaun espirituál: Buka Bíblia nia prinsípiu no istória sira neʼebé bele ajuda Ita atu hametin Ita-nia fiar ba Jeová no ninia organizasaun no atu neutrál nafatin. (Prv 12:5; jr-IN p. 125-126 par. 23-24) Agora mak tempu atu hametin ita-nia relasaun ho maluk sira iha kongregasaun.—1Pe 4:7, 8
-
Preparasaun fíziku: Prepara nanis ai-han no buat seluk atu nuneʼe se buat ruma akontese no ita labele sai husi uma, ita iha ona buat neʼebé ita presiza. No mós planu nanis kona-ba fatin atu evakua. Haree fali Ita-nia pasta emerjénsia, inklui buat neʼebé proteje ita hanesan luvas no maskra, no mós osan. Arranja nanis oinsá atu kontaktu katuas sira no oinsá sira bele kontaktu Ita.—Isa 32:2; g17.5 p. 3-7
Durante krize, kontinua halaʼo Ita-nia programa espirituál. (Flp 1:10) Koko atu la muda ba fatin oioin se la presiza. (Mt 10:16) Fahe ai-han no buat seluk ba malu.—Rom 12:13.
HAREE VÍDEO ITA PREPARA ONA BA DEZASTRE KA LAE? DEPOIS HATÁN BA PERGUNTA TUIRMAI:
-
Oinsá mak Jeová bele ajuda ita durante tempu dezastre?
-
Ita bele halo saida deʼit atu prepara an?
-
Oinsá mak ita bele ajuda ema seluk neʼebé kona dezastre?
