Bainhira Jesus haklaken, nia uza akontesimentu balu atu hanorin lisaun ruma. (Lc 13:1-5) Ita mós bele uza akontesimentu ruma atu dada ema nia atensaun ba mensajen kona-ba Maromak nia Ukun. Porezemplu ita bele temi kona-ba situasaun ekonomia, dezastre naturais, krize, ka buat seluk, no tuirmai husu pergunta atu book ema nia hanoin. Ita bele husu: “Tuir Ita-nia hanoin, problema neʼe sei lakon ka lae?” ka “Tuir Ita-nia hanoin, saida mak solusaun atu rezolve problema neʼe?” Depois, fahe eskritura ida neʼebé liga ho tópiku. Se ema neʼe hatudu interese, loke vídeo ida ka fó publikasaun ida husi Ekipamentu Hanorin nian. Mai ita “halo buat hotu tan liafuan diʼak” nuʼudar ita hakaʼas an atu book ema nia laran.—1Ko 9:22, 23.

Iha Ita rasik nia área, tópiku saida deʼit mak karik kona ema nia laran?