Atu halo Maromak kontente, estudante Bíblia tenke hametin sira-nia fiar. (Ebr 11:6) Ita bele book sira-nia laran hodi uza livru Moris Haksolok ba Nafatin. Livru neʼe iha eskritura importante, esplikasaun klaru, pergunta neʼebé diʼak, vídeo neʼebé book ema nia laran, no dezeñu neʼebé kapás. Hodi ajuda estudante sira haburas hahalok Kristaun no hakbesik ba Maromak, neʼe hanesan ita harii uma ho materiál neʼebé tahan ahi.—1Ko 3:12-15.

Ema balu sente susar atu sai belun ho Maromak neʼebé matan labele haree. Tan neʼe ita presiza ajuda sira atu hatene didiʼak Jeová no tau fiar ba nia.

HAREE VÍDEO HAMETIN EMA NIA FIAR BA JEOVÁ HODI UZA LIVRU “MORIS HAKSOLOK BA NAFATIN”, DEPOIS HATÁN BA PERGUNTA TUIRMAI:

• Oinsá mak ita hatene katak irmán neʼe prepara didiʼak ba estuda?

• Oinsá mak nia uza pergunta neʼebé diʼak atu ajuda estudante fó sai ninia hanoin no sentimentu kona-ba Isaias 41:10, 13?

• Oinsá mak vídeo no eskritura sira kona estudante neʼe?

Ema barak la komprende kona-ba Jesus nia sakrifísiu, ka la hanoin katak neʼe mak prezente ba sira husi Maromak. (Gal 2:20) Tan neʼe, ita presiza ajuda sira hametin sira-nia fiar ba Jesus nia sakrifísiu.

HAREE VÍDEO HAMETIN EMA NIA FIAR BA JESUS HODI UZA LIVRU “MORIS HAKSOLOK BA NAFATIN”, DEPOIS HATÁN BA PERGUNTA TUIRMAI:

• Oinsá mak ita hatene katak irmaun neʼe prepara didiʼak ba estuda?

• Oinsá mak nia uza informasaun iha “Buka-hatene liután” atu ajuda estudante?

• Tanbasá orasaun mak importante tebes ba estudante?