Saida mak áudio ba Bíblia? Neʼe mak gravasaun áudio ba Bíblia Tradusaun Mundu Foun. Neʼe fó sai iha língua barak no ami hakaʼas an atu aumenta liután. Buat furak ida husi áudio neʼe mak uza ema oioin nia lian tuir karaterístiku ida-idak iha Bíblia, no tau énfaze no emosaun iha fatin neʼebé loos atu fó sai Bíblia nia mensajen ho loloos.

Saida mak benefísiu hodi rona áudio ba Bíblia? Ema barak gosta rona beibeik áudio neʼe tanba Maromak nia Liafuan sai realidade ba sira. Sira sente katak hodi rona ba gravasaun bele ajuda sira atu imajina akontesimentu sira iha Bíblia no komprende didiʼak eskritura sira. (Prv 4:5) Ema barak mós dehan katak hodi rona áudio ba Bíblia bele halo sira sente kalma bainhira sira hanoin barak.—Sal 94:19.

Hodi rona áudio ba Bíblia bele fó impaktu boot iha ita-nia moris. (2Kr 34:19-21) Se iha ona áudio ba Bíblia iha língua neʼebé Ita komprende, Ita bele hatoman an atu rona beibeik ida-neʼe ka lae?

HAREE VÍDEO PRODÚS ÁUDIO BA BÍBLIA—VÍDEO BADAK, DEPOIS HATÁN BA PERGUNTA TUIRMAI:

Saida mak Ita gosta kona-ba prodús áudio ba Bíblia?