Broxura Sé mak Halo Jeová nia Hakarak Ohin Loron? atu uza iha tempu neʼebé atu hahú ka ramata estuda Bíblia semana-semana ho ita-nia estudante. * Husi lisaun 1 toʼo 4 ajuda estudante koñese didiʼak Testemuña ba Jeová mak sé, lisaun 5 toʼo 14 kona-ba ita-nia atividade sira, no lisaun 15 toʼo 28 kona-ba ita-nia organizasaun. Baibain diʼak atu estuda lisaun ida-idak tuituir malu, maibé bele hakat deʼit ba lisaun ruma se ita sente katak diʼak liu atu koʼalia uluk kona-ba tópiku neʼe. Lisaun hotu ho pájina ida deʼit, tan neʼe bele uza deʼit minutu lima toʼo sanulu atu koʼalia kona-ba lisaun ida-idak.

• Fó atensaun liu ba pergunta neʼebé husu iha lisaun nia títulu

• Lee hamutuk. Bele lee hotu lisaun ida kedas ka fahe uitoan-uitoan

• Koʼalia hamutuk informasaun neʼebé ita foin lee. Uza pergunta sira iha lisaun nia rohan, no mós dezeñu sira. Hili didiʼak eskritura sira hodi lee no koʼalia hamutuk. Fó-hanoin ba estudante katak subtítulu metan ida-idak mak resposta ba pergunta neʼebé husu iha lisaun nia títulu

• Se lisaun mak iha kaixa kona-ba “Buka-hatene liután”, lee hamutuk no fó laran-manas ba estudante atu halo tuir sujestaun sira neʼebé iha ona