• Hakerek Ita rasik nia hela-fatin nia diresaun. Se Ita sente katak ladún diʼak atu tau Ita rasik nia diresaun, karik Ita bele uza Reuniaun-Fatin nia diresaun se katuas sira fó lisensa atu halo nuneʼe. Maski nuneʼe, Ita LABELE uza sukursál nia diresaun.

• Se Ita hatene ema neʼe nia naran, uza ninia naran. Hodi nuneʼe, ema neʼe komprende katak karta neʼe ba nia.

• Hakerek liafuan ho loloos, tuir gramátika no pontuasaun neʼebé loos. Ita-nia karta tenke haree kabeer no la sabraut. Se Ita hakerek ho liman, karta neʼe tenke fasil ba ema atu lee. Liafuan neʼebé Ita uza tenke hatudu respeitu maibé labele formál liu.

Karta ida-neʼe halo tuir pontu sira-neʼe. Tanba neʼe mak ezemplu deʼit, Ita la presiza kopia liafuan hotu bainhira Ita hakerek karta ba ema ruma iha Ita-nia área. Halo mudansa ba Ita-nia karta tuir situasaun, kultura no mós objetivu.