TANBASÁ IMPORTANTE: Livru 1 Korinto mak karta ida husi karta 14 neʼebé apóstolu Paulo hakerek atu fó laran-manas ba maluk Kristaun sira. Haklaken liuhusi karta mak diʼak tanba Ita iha tempu atu hili ho kuidadu liafuan neʼebé ita sei uza, no ema bele lee karta neʼe dala barak. Neʼe mós dalan diʼak atu haklaken ba Ita-nia família ka kolega no fó sasin ba ema sira neʼebé Ita la konsege hasoru. Porezemplu, karik iha ema neʼebé interese ba lia-loos maibé nia sempre sai. Dala ruma karik susar ba Ita atu hasoru ema balu iha Ita-nia haklaken-fatin tanba sira hela iha área neʼebé ema labele tama arbiru ka fatin izoladu. Saida mak Ita presiza hanoin-hetan kuandu hakerek karta ba ema neʼebé Ita seidauk koñese?

OINSÁ ATU HALO IDA-NEʼE:

• Hakerek liafuan neʼebé Ita sei hatete kuandu hasoru nia. Hahú hodi fó koñese Ita-nia an, no tuirmai esplika tanbasá mak Ita hakerek karta neʼe. Bele mós hakerek pergunta ida atu book lee-naʼin nia hanoin no temi kona-ba ita-nia sítiu. Depois fó-hatene nia kona-ba ita-nia arranju atu estuda Bíblia iha uma no temi tópiku balu husi livru sira neʼebé baibain ita uza atu estuda. Ita mós bele haruka kartaun kontaktu, konvite ka tratu ruma hamutuk ho karta neʼe

• Badak deʼit. Lalais atu remata Ita-nia karta antes lee-naʼin sente baruk atu lee.​—Haree Ezemplu atu hakerek karta

• Lee filafali Ita-nia karta no hadiʼa liafuan sira neʼebé sala. Hakerek ho didiʼak hodi halo fasil ba ema atu lee. Uza liafuan neʼebé mamar no pozitivu