Kuandu ita hetan terus, neʼe bele halo ita laran-kraik, liuliu se terus neʼe la lakon lalais. David hatene katak loron ida terus neʼebé nia hetan husi Liurai Saul sei remata no David mak sei sai liurai hodi tuir Jeová nia promesa. (1Sa 16:13) David nia fiar ajuda nia atu hein ba Jeová ho pasiénsia.

Karik ita bele uza matenek, abilidade atu hanoin, ka koñesimentu hodi bele troka ita-nia situasaun susar no terus. (1Sa 21:12-14; Prv 1:4) Maibé, susar balu sei la lakon maski ita halo ona buat hotu neʼebé ita bele halo hodi tuir Bíblia nia prinsípiu. Iha situasaun hanesan neʼe, ita tenke hatudu pasiénsia no hein ba Jeová. Lakleur tan, nia sei halakon ita-nia terus no susar hotu no ‘hamaran ita-nia matan-been hotu husi ita-nia matan’. (Apk 21:4) Maski ita la hatene ita sei livre husi ita-nia terus tanba Jeová nia ajuda ka tanba razaun seluk, ita bele fiar katak loron ida terus hotu sei remata. Neʼe bele ajuda ita atu sente kmaan.

HAREE VÍDEO POVU NEʼEBÉ UNIDADE MASKI MUNDU NEʼE RUNGURANGA, DEPOIS HATÁN BA PERGUNTA TUIRMAI:

• Susar saida deʼit mak ema Kristaun iha Estadus Unidus parte súl hasoru iha tempu uluk?

• Oinsá mak sira hatudu pasiénsia no domin?

• Oinsá mak sira kontinua fokus ba “buat sira neʼebé importante liu”?—Flp 1:10