Ita iha vídeo haat kona-ba estuda Bíblia neʼebé ita bele uza iha serbisu haklaken. Vídeo ida-idak iha objetivu saida?

• Tanbasá Estuda Bíblia?—Vídeo kompletu ajuda ema atu hakarak estuda Bíblia maski fiar ka relijiaun la hanesan. Vídeo neʼe anima ema atu buka-hetan Bíblia nia resposta kona-ba pergunta importante oioin no fó ezemplu kona-ba informasaun neʼebé lójiku. Iha mós esplikasaun kona-ba oinsá atu husu estuda Bíblia.

• Tanbasá Estuda Bíblia? (Vídeo badak) iha objetivu hanesan ho versaun kompletu, maibé badak deʼit. Ita bele uza vídeo neʼe kuandu haklaken ba ema neʼebé okupadu.

• Oinsá mak ami halaʼo estuda Bíblia ho ema? bele anima ema atu hakarak hahú programa estudu Bíblia neʼebé gratuitu no hatán ba pergunta balu neʼebé baibain ema husu, inklui mós esplikasaun kona-ba oinsá atu husu estuda Bíblia.

• Benvindu ba Ita-nia kursu Bíblia mak atu hatudu ba estudante Bíblia. Maski vídeo neʼe iha pájina 2 husi livru Moris Haksolok ba Nafatin, maibé ita bele hatudu ida-neʼe kuandu uza broxura Moris Haksolok ba Nafatin. Vídeo neʼe fó sai informasaun iha livru neʼe no saida mak estudante sira sei halo durante diskusaun.

Maski vídeo ida-idak iha objetivu la hanesan, maibé ita bele hatudu ka haruka vídeo sira-neʼe ba ema tuir situasaun ida-idak. Ami anima haklaken-naʼin hotu atu hatene didiʼak vídeo sira-neʼe no uza iha serbisu haklaken.