Tanbasá tenke hili atividade halimar nian ho matenek? Tanba bainhira ita hili filme atu haree, múzika atu rona, sítiu atu vizita, livru atu lee, ka vídeo game atu halimar, ita hili atu enxe ita-nia hanoin ho buat sira-neʼe. Buat neʼebé ita hili sei kona ita-nia hahalok. Triste mak, atividade halimar barak ohin loron inklui buat neʼebé Jeová odi. (Sal 11:5; Gal 5:19-21) Tan razaun neʼe mak Bíblia fó laran-manas mai ita atu kontinua hanoin kona-ba buat neʼebé fó hahiʼi ba Jeová.—Flp 4:8.

HAREE VÍDEO ATIVIDADE HALIMAR SAIDA MAK HAʼU SEI HILI? DEPOIS HATÁN BA PERGUNTA SIRA TUIRMAI NEʼE:

• Oinsá mak jogu gladiadór iha Roma antigu hanesan ho atividade halimar nian ohin loron?

• Oinsá mak ita iha kongregasaun bele ajuda joven sira atu hili atividade halimar nian ho matenek?

• Oinsá mak Roma 12:9 kona ita-nia desizaun kona-ba hili atividade halimar nian?

• Fó toʼok ezemplu kona-ba atividade halimar nian neʼebé diʼak iha Ita-nia área?