TANBASÁ IMPORTANTE: Reuniaun mak oportunidade diʼak atu kanta beibeik ba Jeová no “fó hahiʼi ba nia”. (Sal 149:1)Reuniaun sira hanorin ita oinsá atu halo Maromak nia hakarak. (Sal 143:10) Bainhira ema foun no estudante Bíblia komesa tuir reuniaun, baibain neʼe ajuda sira laʼo ba oin ho lalais.

OINSÁ ATU HALO IDA-NEʼE:

• Labele hein atu konvida kedas sira. Ita la presiza atu hein toʼo ema estuda Bíblia ona mak foin konvida sira tuir.—Apk 22:17

• Esplika ba ema foun kona-ba reuniaun halaʼo oinsá no reuniaun tuirmai sei koʼalia kona-ba saida. Karik bele fó konvite atu tuir reuniaun, ka hatudu vídeo Oinsá mak ami halaʼo reuniaun sira?, ka broxura Jeová nia Hakarak lisaun 5 no 7

• Fó ajuda. Karik ita bele ajuda tula ema foun neʼe, ka ajuda nia atu hatene hatais roupa saida mak diʼak atu tuir reuniaun. Tuur ho nia, no haree ita-nia livru hamutuk. Fó koñese nia ba ema seluk