MORIS NUʼUDAR EMA KRISTAUN
Se ita hasoru labarik
Bainhira haklaken, se ema neʼebé ita hasoru mak labarik ida, ita tenke husu nia bolu ninia inan-aman. Ida-neʼe hatudu respeitu ba família nia arranju. (Prv 6:20) Se labarik ida konvida ita atu tama, diʼak atu la tama. Se ita la bele hasoru ninia inan-aman, diʼak liu loron seluk mak mai fali.
Se labarik neʼe boot uitoan ona, hanesan tinan 15 toʼo 19, diʼak nafatin atu husu nia bolu ninia inan-aman. Se sira la iha, karik bele husu, ‘Baibain Ita-nia inan-aman fó lisensa ba Ita atu simu livru balu ka lae?’ Se nia dehan inan-aman fó, bele fó livru balu ba nia no karik bele hatudu sítiu jw.org ba nia.
Bainhira halo vizita fali ba joven ida, ita tenke husu atu hasoru ninia inan-aman. Neʼe bele fó oportunidade ba ita atu esplika tanbasá ita vizita sira, no hatudu matadalan neʼebé diʼak husi Bíblia ba sira kona-ba moris família nian. (Sal 119:86, 138) Bainhira ita hatudu respeitu ba inan-aman iha dalan sira-neʼe, neʼe bele fó sasin neʼebé diʼak ba sira, no karik neʼe sei fó oportunidade ba ita atu haklaken liafuan diʼak ba família neʼe.—1Pe 2:12.