Atleta sira presiza kontinua treinu sira-nia an atu bele nafatin iha matenek no kbiit. Ita mós presiza kontinua hakaʼas an atu treinu no mantein ita-nia kbiit atu hatene. (Ebr 5:14) Maski dala ruma ita sente fasil liu atu tuir deʼit ema seluk nia desizaun, maibé ita presiza treinu ita rasik nia abilidade atu hanoin no halo desizaun. Tanbasá? Tanba ita ida-idak iha responsabilidade ba ita-nia desizaun rasik.—Rom 14:12.

Ita labele hanoin katak ita bele deʼit halo desizaun diʼak tanba ita hetan batizmu ona ba tinan barak. Atu halo desizaun neʼebé diʼak, ita presiza sadere ba Jeová, ninia Liafuan, no ninia organizasaun.—Jos 1:7, 8; Prv 3:5, 6; Mt 24:45.

HAREE VÍDEO DRAMA “KONTINUA IHA KONXIÉNSIA NEʼEBÉ DIʼAK”, DEPOIS HATÁN BA PERGUNTA TUIRMAI:

• Desizaun saida mak Emma presiza halo?

• Tanbasá mak ita presiza kuidadu atu la fó sai ita-nia opiniaun rasik se neʼe liga ho konxiénsia?

• Konsellu matenek saida mak kaben-naʼin ida fó ba Emma?

• Oinsá mak Emma hetan informasaun neʼebé ajuda nia atu halo desizaun?