Feen-laʼen Kristaun neʼebé halaʼo moris kaben ho susesu fó hahiʼi Jeová no kontente. (Mc 10:9) Atu bele iha moris kaben neʼebé dura no kontente, ita tenke kaer metin ba Bíblia nia prinsípiu sira kuandu hili pár.

Presiza hein toʼo “liu ona tempu foin-saʼe nian” mak namora, tanba kuandu iha hakarak seksuál neʼebé makaʼas, neʼe halo susar atu foti desizaun neʼebé matenek. (1Ko 7:36) Uza didiʼak Ita-nia tempu klosan atu hametin Ita-nia relasaun ho Maromak no haburas hahalok Kristaun. Ikusmai, Ita bele halo buat barak liután atu Ita-nia moris kaben nian susesu.

Antes deside atu kaben, uza tempu atu buka-hatene Ita-nia doben nia hahalok neʼebé ‘subar hela iha ninia laran’. (1Pe 3:4, nota-rodapé) Se Ita iha dúvida neʼebé sériu, koʼalia ho nia. Hanesan ho relasaun seluk hotu, Ita presiza fokus liu kona-ba fó duké simu. (Flp 2:3, 4) Se Ita aplika Bíblia nia prinsípiu antes kaben, neʼe halo fasil ba Ita atu kontinua halo nuneʼe depois kaben no moris kontente.

HAREE VÍDEO PREPARA AN ANTES KABEN—PARTE 3: “SURA NINIA OSAN”, DEPOIS HATÁN BA PERGUNTA TUIRMAI:

• Oinsá mak irmán neʼe ho Lucas koñese malu didiʼak?

• Kuandu nia koñese didiʼak Lucas, nia nota saida?

• Oinsá mak ninia inan-aman ajuda nia? Nia foti desizaun saida?