Ita-nia website nia pájina primeiru fó sai informasaun no vídeo sira neʼebé dada ema nia atensaun. (Aps 13:48) Pájina neʼe mós dala ruma fó sai notísias no tópiku oioin neʼebé ema hanoin no koʼalia hela.

Oinsá mak Ita bele uza jw.org nia pájina primeiru iha serbisu haklaken?

• Haree beibeik website. Haree informasaun iha parte rekomendasaun, no hanoin kona-ba oinsá Ita bele uza ida-neʼe atu ajuda ema seluk. (Atu hetan informasaun seluk tan iha parte rekomendasaun, klik “Haree tan”.) Se ita haree beibeik saida mak foun iha ita-nia website, neʼe bele ajuda ita atu iha ideia oioin hodi uza ba haklaken.

• Uza informasaun ka vídeo neʼebé fó sai iha parte rekomendasaun atu hahú koʼalia ho ema. Neʼe sei ajuda ita atu iha ideia kona-ba buat neʼebé ema hanoin hela.

• Hatudu pájina primeiru ba ema. Fó sai tópiku espesífiku husi parte rekomendasaun, no hatudu oinsá bele hetan neʼe iha website.

• Fahe link. Ema balu la gosta atu koʼalia kedas ho ita, maibé sira gosta loke ita-nia website. Entaun labele dada an atu haruka link husi pájina primeiru, ka informasaun ka vídeo espesífiku ruma.