Saida mak prezente furak liu neʼebé Ita bele fó ba Ita-nia oan sira? Iha buat barak neʼebé sira presiza, hanesan Ita-nia domin, matadalan no protesaun. Maibé, prezente folin boot liu neʼebé Ita bele fó ba sira mak koñesimentu kona-ba Maromak Jeová no lia-loos husi ninia Liafuan, Bíblia. (Joao 17:3) Husi tempu neʼebé Ita-nia oan sira sei kiʼik, koñesimentu neʼe bele ajuda sira aprende atu hadomi Maromak Jeová no serbí nia ho laran tomak.—Mateus 21:16.

Baibain, labarik kiʼik sira aprende buat barak husi atividade no istória sira neʼebé badak deʼit. Tan ida-neʼe, ami kontente atu fó sai livru, Mai Aprende Bíblia. Lisaun ida-idak hanorin iha dalan neʼebé simples. Dezeñu no liafuan sira mós prepara ho didiʼak, liuliu ba labarik sira neʼebé tinan tolu ba kraik. Iha lisaun sira-neʼe, ita mós bele hetan sujestaun sira ba inan-aman kona-ba atividade sira. Livru Mai Aprende Bíblia laʼós ba labarik sira atu halimar. Maibé, livru neʼe halo atu Ita bele lee hamutuk ho Ita-nia oan, hodi inan-aman sira bele uza tempu atu koʼalia ho sira-nia oan.

Ami hatene katak livru ida-neʼe sei ajuda Ita atu hanorin lia-loos husi Bíblia ba Ita-nia oan sira husi kiʼik kedas.—2 Timoteo 3:14, 15.

Ita-nia irmaun sira,

Grupu Administradór husi Testemuña ba Jeová