Paraízu furak iha rai
Maromak Jeová sei halakon buat aat hotu neʼebé Satanás halo iha rai. Nia hili ona Jesus nuʼudar Liurai atu ukun iha mundu tomak. Ita hein ba tempu neʼebé Jesus sei hadiʼa mundu neʼe sai paraízu, fatin furak ida hanesan jardín Eden.—Daniel 7:13, 14; Isaías (Yesaya) 35:1.
Maromak Jeová promete bensaun hirak tuirmai neʼe:
-
SEI IHA HAHÁN BARAK: “Rai sei fó duni modo ho ai-fuan; Maromak, ita-nia Maromak sei fó bensaun mai ita.” “Sei iha hahán barak iha rai; iha foho-tutun, sei iha barak liután.”—Salmo (Mazmur) 67:6; 72:16.
-
FUNU SEI LA IHA TAN: “Mai, imi hotu, haree ba buat neʼebé Jeová halo, nia halo ona iha rai kmanek oioin neʼebé halo imi-nia laran nakdoko. Nia sei hapara funu toʼo rai nia rohan.”—Salmo (Mazmur) 46:8, 9.
-
EMA AAT SEI LA IHA TAN: “Ema aat sira rasik sei lakon hotu . . . No tempu uitoan tan, ema laran-aat sira sei la iha ona, no imi sei hateke duni ba ninia fatin, no nia sei la iha.”—Salmo (Mazmur) 37:9, 10.
-
MORAS, LARAN-SUSAR NO MATE SEI LA IHA TAN: “Iha tempu neʼebá, matan-delek sira-nia matan sei loke, no tilun-diuk sira-nia tilun sei nakloke duni. Iha tempu neʼebá, ema ain-kudeʼik sei halai hanesan bibi-rusa, ema monok nia nanál sei haklalak ho ksolok.”—Isaías (Yesaya) 35:5, 6.
“Maromak rasik sei hamutuk ho sira. No nia sei hamaran sira-nia matan-been hotu husi sira-nia matan, no mate sei la iha tan, no ema sei la tanis tan ka laran-susar ka laran-triste; basá buat neʼebé uluk nian lakon tiha ona.”—Apokalipse 21:3, 4.
Maromak Jeová la hanesan duni ho Satanás neʼebé bosok-teen. Maromak nunka bosok. Tan neʼe, buat hotu neʼebé nia promete sei sai loos. (Lucas 1:36, 37) Maromak Jeová hadomi Ita-Boot no hakarak Ita-Boot atu hela iha mundu neʼebé furak hanesan paraízu. Nuneʼe, buka Testemuña ba Jeová atu aprende liután kona-ba lia-loos husi Maromak nia Liafuan neʼebé lori haksolok boot ba Ita-nia moris. Se Ita-Boot moris tuir lia-loos, Ita sei sai livre husi Satanás nia lia-bosok oioin. Liuliu ikusmai, Ita mós sei sai livre husi sala no mate. Hanesan Jesus hatete: “Imi sei hatene lia-loos, no lia-loos sei halo imi livre.”—João 8:32.
Karik Ita sei gosta
HANORIN IMPORTANTE SIRA HUSI BÍBLIA
Saida mak Maromak nia Ukun?
Bainhira Jesus iha rai, nia haklaken liuliu kona-ba Maromak nia Reinu, ka Ukun. Ba tinan atus ba atus, ema halo orasaun atu Maromak nia Reinu neʼe toʼo mai.
