Moris kaben
Sé mak hahú arranju moris kaben nian?
Ema Kristaun ida presiza hili ema hanesan saida atu sai ninia kaben?
Tanbasá inan-aman Kristaun la konkorda kuandu sira-nia oan neʼebé hetan ona batizmu hakarak kaben ho ema neʼebé seidauk dedika an ba Jeová no hetan batizmu?
-
Ezemplu husi Bíblia:
-
Gén 24:1-4, 7—Abraão buka feen ba ninia oan Isaac husi ema neʼebé serbí Jeová, laʼós husi ema Kanaan neʼebé adora maromak falsu sira
-
Gén 28:1-4—Isaac haruka Jacob atu buka feen husi ema neʼebé iha fiar hanesan, laʼós husi ema Kanaan
-
Jeová sente oinsá kona-ba ninia atan neʼebé kaben ho ema neʼebé fiar la hanesan?
-
Ezemplu husi Bíblia:
-
1Rs 11:1-6, 9-11—Jeová sai hirus ba Liurai Salomão tanba nia kaben ho feto estranjeiru sira no husik sira fó influénsia ba nia atu adora maromak falsu sira
-
Ne 13:23-27—Neemias haleno Jeová nia sentimentu hodi sai hirus ba mane Izraél sira neʼebé kaben ho feto estranjeiru sira neʼebé la adora Jeová, nia fó dixiplina no korrije sira
-
Tanbasá matenek atu hili pár neʼebé serbí Jeová ho laran-metin no iha reputasaun diʼak?
Haree mós Éf 5:28-31, 33
-
Ezemplu husi Bíblia:
-
1Sa 25:2, 3, 14-17—Nabal mak mane neʼebé riku, maibé nia siʼak-teen no iha hahalok aat, nia mak laʼen neʼebé la diʼak ba Abigail
-
Prv 21:9—Hili pár neʼebé sala bele halo ita-nia moris la kontente no la iha dame
-
Rom 7:2—Apóstolu Paulo esplika katak depois kaben tiha, feto ida sei hakruʼuk ba ninia laʼen neʼebé la perfeitu. Tan neʼe, feto neʼebé matenek sei kuidadu atu hili didiʼak ninia pár
-
Prepara ba moris kaben nian
Tanbasá mane ida presiza prepara an tau matan ba ninia umakain antes hanoin atu kaben?
-
Ezemplu husi Bíblia:
-
Prv 24:27—Antes mane ida kaben no iha oan, nia tenke serbisu makaʼas atu bele sai prontu hodi tau matan ba ninia família
-
Tanbasá ema naʼin-rua neʼebé namora presiza husu konsellu husi ema seluk no koñese malu didiʼak duké fokus deʼit ba buat neʼebé matan haree?
-
Ezemplu husi Bíblia:
-
Rut 2:4-7, 10-12—Boaz buka-hatene didiʼak Rute hodi haree oinsá nia serbisu ho badinas, oinsá nia tau matan ba Noemi, ninia domin ba Jeová, no rona mós ninia reputasaun neʼebé diʼak
-
Rut 2:8, 9, 20—Rute haree Boaz nia laran-diʼak, laran-luak, no ninia domin ba Jeová
-
Tanbasá Jeová hakarak ema neʼebé namora no prenda ona atu mantein morál neʼebé moos?
-
Ezemplu husi Bíblia:
-
Prv 5:18, 19—Iha dalan balu atu hatudu domin neʼebé só feen-laʼen deʼit mak bele hatudu ba malu
-
Kna 1:2; 2:6—Bainhira bibi-atan namora ho feto husi Sulam, sira hatudu sai sira-nia domin iha dalan neʼebé moos
-
Kna 4:12; 8:8-10—Feto husi Sulam mantein hahalok moos no kontrola an. Tan neʼe, ema kompara nia hanesan jardín neʼebé xave metin
-
Tanbasá presiza kaben tuir lei?
Laʼen nia responsabilidade
Responsabilidade saida deʼit mak Jeová fó ba laʼen sira?
Mane neʼebé kaben ona tenke halo tuir sé-nia ezemplu nuʼudar ulun ba família?
Tanbasá importante atu laʼen ida hatudu domin ba ninia feen no komprende ninia feen nia presiza no sentimentu?
-
Ezemplu husi Bíblia:
-
Gén 21:8-12—Jeová haruka Abraão atu rona ba ninia feen Sara maski nia la kontente ho Sara nia sujestaun
-
Prv 31:10, 11, 16, 28—Laʼen neʼebé matenek la kontrola ninia feen ka buka ninia feen nia sala, maibé nia tau fiar no gaba ninia feen
-
Éf 5:33—Apóstolu Paulo hatete katak feen presiza sente domin husi ninia laʼen
-
Feen nia responsabilidade
Responsabilidade saida deʼit mak Jeová fó ba feen sira?
Feen sira-nia knaar hatún sira-nia dignidade ka lae?
-
Ezemplu husi Bíblia:
-
Prv 1:8; 1Ko 7:4—Maromak fó kbiit no knaar balu ba feen no inan sira
-
1Ko 11:3—Apóstolu Paulo esplika katak ita hotu presiza hakruʼuk ba Jeová nia arranju ulun nian, só Jeová deʼit mak la presiza hakruʼuk ba buat ida
-
Ebr 13:7, 17—Iha kongregasaun, mane no feto hotu presiza apoia no halo tuir ema neʼebé tau matan no dirije sira
-
Oinsá feen Kristaun ida neʼebé ninia laʼen laʼós fiar-naʼin bele halo Jeová kontente?
Tanbasá feen Kristaun ida presiza hatudu respeitu kleʼan ba ninia laʼen?
-
Ezemplu husi Bíblia:
-
Gén 18:12; 1Pe 3:5, 6—Sara hatudu respeitu kleʼan ba ninia laʼen nuʼudar “naʼi”
-
Feen hanesan saida mak Bíblia gaba?
-
Ezemplu husi Bíblia:
-
Gén 24:62-67—Rebeca fó kmaan ba ninia laʼen Isaac bainhira Isaac nia inan mate
-
1Sa 25:14-24, 32-38—Abigail proteje ninia laʼen neʼebé beik, no salva ninia umakain tomak hodi husu David atu hatudu laran-sadiʼa
-
Est 4:6-17; 5:1-8; 7:1-6; 8:3-6—Liurai-Feto Ester tau ninia moris iha perigu laran ba dala rua hodi bá hasoru ninia laʼen atu salva Maromak nia povu
-
Rezolve problema
Prinsípiu saida deʼit mak bele ajuda feen-laʼen atu rezolve problema iha moris kaben nian?
Prinsípiu saida deʼit mak bele ajuda feen-laʼen atu iha hanoin neʼebé loos kona-ba osan?
Lc 12:15; Flp 4:5; 1Ti 6:9, 10; Ebr 13:5
Haree mós “Osan”
Prinsípiu saida deʼit mak bele ajuda feen-laʼen atu iha relasaun diʼak ho família ka banin sira?
Prinsípiu saida deʼit mak bele ajuda feen-laʼen atu hasees an husi problema kona-ba relasaun seksuál?
Tanbasá importante atu fokus ba Ita-nia kaben nia hahalok diʼak duké ba ninia fraku sira?
Tanbasá diʼak liu rezolve lalais problema ho domin duké rai hirus?
Tanbasá ema Kristaun labele hirus makaʼas, hakilar malu, koʼalia aat, no halo violénsia?
Kuandu feen-laʼen nia opiniaun la hanesan, sira presiza hakaʼas an atu halo saida?
Bensaun saida deʼit mak kaben-naʼin bele hetan se sira halo tuir Jeová nia matadalan kona-ba moris kaben?
Maromak nia matadalan kona-ba moris kaben
Bíblia hatete saida kona-ba relasaun seksuál no moris kaben nian?
Oinsá ema Kristaun nia haree kona-ba poligamia?
Oinsá ita hatene katak relasaun kaben mak ba deʼit mane ida ho feto ida?
Tanbasá feen-laʼen presiza moris hamutuk nafatin?
Tuir Bíblia, razaun ida deʼit ba ema Kristaun atu halo divórsiu mak saida?
Jeová sente oinsá bainhira ema halo divórsiu maski la iha razaun neʼebé loos?
Kuandu kaben-naʼin ida mate, ninia pár neʼebé moris hela bele kaben fali ho ema seluk ka lae?
Karik Ita sei gosta
MATAN-MORIS BÁ!
Laʼen mak família nia ulun, neʼe katak sá?
MATAN-MORIS BÁ!
Segredu ba família atu moris kontente—Apoia malu
Ita no Ita-nia kaben apoia malu, ka Ita mak hanesan deʼit ho kolega neʼebé hela hamutuk?
MORIS KABEN NIAN NO FAMÍLIA
Oinsá atu hatudu domin ba Ita-nia pár
Oinsá mak Ita bele hatudu domin ba Ita-nia pár? Hanoin kona-ba sujestaun haat husi Bíblia.
PERGUNTA HUSI JOVEN SIRA
Haʼu prontu atu namora ka lae?
Pontu lima neʼebé ajuda Ita hatene se Ita prontu ona atu namora no kaben.
LIVRU HAKLAKEN
Laʼen sira Hametin imi-nia umakain bá
KONA-BA AMI
Husu atu hetan vizita
Halo diskusaun kona-ba Ita-nia pergunta ruma neʼebé liga ho Bíblia, ka aprende liután kona-ba Testemuña ba Jeová.
