KOMESA KONVERSA
LISAUN 3
Laran-diʼak
Prinsípiu: “Domin mak . . . laran-diʼak.”—1 Kor 13:4.
Saida mak Jesus halo
1. Haree VÍDEO, ka lee João 9:1-7. Depois haree toʼok pergunta tuirmai:
-
Jesus halo uluk saida ba mane matan-delek neʼe, kura nia ka haklaken ba nia?—Haree João 9:35-38.
-
Tuir Ita-nia hanoin, tanbasá mak mane neʼe prontu atu rona ba Jesus?
Ita aprende saida husi Jesus?
2. Ema sei kontente liután atu rona ba mensajen neʼebé ita haklaken se sira sente katak ita hanoin sira.
Halo tuir Jesus nia ezemplu
3. Hanoin kona-ba ema neʼebé Ita hasoru. Koko atu imajina kona-ba ninia sentimentu.
-
Husu ba Ita-nia an: ‘Nia hanoin barak kona-ba saida? Saida mak sei ajuda nia no book ninia laran?’ Husu pergunta sira hanesan neʼe sei ajuda Ita atu hatudu laran-diʼak.
-
Se ema ida fó sai ninia sentimentu kona-ba buat ruma ka problema ruma neʼebé nia hasoru, keta hanetik nia, maibé rona didiʼak. Hodi halo nuneʼe, Ita hatudu katak Ita interese kona-ba buat neʼebé ema neʼe hasoru daudaun.
4. Koʼalia ho laran-diʼak no respeitu. Bainhira Ita hanoin tebes ema ida no hakarak duni atu ajuda nia, ema neʼe bele nota liuhusi dalan neʼebé Ita koʼalia. Tan neʼe, Ita presiza kuidadu ho Ita-nia liafuan no dalan neʼebé Ita koʼalia.
5. Prontu atu ajuda. Buka oportunidade atu ajuda ema tuir sira-nia presiza. Kuandu ita hatudu laran-diʼak, neʼe loke dalan ba ita atu komesa konversa ho sira.
