KOMESA KONVERSA
LISAUN 4
Haraik an
Prinsípiu: “Haraik an hodi haree ema seluk boot liu fali imi.”—Flp 2:3.
Saida mak Paulo halo
1. Haree VÍDEO, ka lee Apóstolu 26:2, 3. Depois haree toʼok pergunta tuirmai:
-
Oinsá mak Paulo hatudu haraik an bainhira nia koʼalia ho Liurai Agripa?
-
Oinsá mak Paulo dada liurai nia atensaun ba Jeová no Eskritura duké ba ninia an rasik?—Haree Apóstolu 26:22.
Ita aprende saida husi Paulo?
2. Ema sei hafolin liután ita-nia mensajen kuandu ita koʼalia ho haraik an no respeitu.
Halo tuir Paulo nia ezemplu
3. Keta hatún ema. Keta halo ema hanoin katak Ita hatene buat hotu no sira la hatene buat ida. Koʼalia ba sira ho respeitu.
4. Ajuda ema hatene katak buat neʼebé Ita fó sai mak bazeia ba Bíblia. Maromak nia Liafuan iha kbiit atu book ema nia hanoin no sentimentu. Bainhira Ita uza Bíblia, Ita ajuda ema atu harii sira-nia fiar iha fundasaun neʼebé loos no metin.
5. Hatudu laran-maus. Keta obriga ema atu simu deʼit katak ita mak loos. Ita lakohi diskute malu. Hatudu haraik an hodi kalma nafatin no hatene bainhira mak tempu atu remata konversa. (Prov 17:14; Tito 3:2) Bainhira ita hatán ho laran-maus, karik ema neʼe sei prontu atu rona fali ba ita iha futuru.
