Parte 1
Husi tempu kriasaun toʼo Rai-Nabeen
Lalehan no Rai mai husi neʼebé? Loro-matan, fulan, no fitun, no mós buat hotu-hotu iha mundu, oinsá mak mosu? Bíblia hatete duni, katak Maromak mak kria buat hirak-neʼe. Nuneʼe, livru ida-neʼe konta istória Bíblia hahú husi tempu kriasaun.
Ita sei aprende katak Maromak halo ulukliu mak kriatura espíritu sira hanesan nia an. Sira mak anju. Maibé, Maromak kria mundu ba ita ema. Nuneʼe, Maromak halo mane naran Adão no feto naran Eva, no tau sira iha jardín neʼebé furak tebes. Maibé, sira la halo tuir Maromak no lakon sira-nia direitu atu moris ba nafatin.
Husi tempu neʼebé Maromak kria Adão toʼo Rai-Nabeen, hamutuk tinan 1.656. Durante tempu neʼe, buat aat mak barak. Iha lalehan, iha Satanás no nia anju aat sira, kriatura espíritu neʼebé ema la haree. Iha Rai, iha Caim no ema seluseluk neʼebé aat. Balu forte tebes la hanesan ema baibain. Maibé, iha mós ema neʼebé diʼak iha Rai — Abel, Enoc, no mós Noé. Iha Parte IDA, ita sei lee kona-ba ema sira-neʼe no saida mak akontese ba sira.
IHA PARTE NE’E
ISTÓRIA 1
Maromak hahú halo buat hotu
Istória ba livru Gênesis kona-ba kriasaun makfasil atu komprende no istória kapás tebes no mós diʼak ba labarik sira.
ISTÓRIA 2
Jardín neʼebé furak
Tuir livru Gênesis, Maromak halo jardin Eden neʼebé furak. Maromak hakarak mundu tomak atu hanesan jardin furak neʼe.
ISTÓRIA 3
Mane no feto primeiru
Maromak Jeová kria Adão no Eva no tau sira iha jardín Eden. Sira mak kaben-naʼin primeiru iha mundu.
ISTÓRIA 4
Tansá sira lakon sira-nia hela-fatin
Livru Gênesis konta mai ita kona-ba oinsá paraizu ne’e lakon.
ISTÓRIA 5
Moris hahú susar
Depois Adão no Eva sai tiha husi jardín Eden, sira hetan susar barak. Se Adão no Eva halo tuir Jeová karik, sira ho sira-nia oan hotu sei moris kontente.
ISTÓRIA 6
Oan naʼin-rua, ida diʼak no ida aat
Istória kona-ba Caim no Abél hatudu mai ita oinsá ita bele halo kontente Maromak no hahalok saida mak ita presiza troka antes ne’e tarde ona.
ISTÓRIA 7
Ema ida neʼebé brani
Ezemplu husi Enoc hatudu katak ita bele halo buat neʼebé loos, maski ema barak neʼebé haleʼu ita halo buat neʼebé aat.
ISTÓRIA 8
Jigante sira iha mundu
Tuir Gênesis kapítulu 6, uluk jigante sira neʼebé bolu nuʼudar Nefilím laʼo iha mundu. Sira-nia aman mak anju sira husi lalehan. Nefilím sira-neʼe aat tebes, no sira halo aat ba ema.
ISTÓRIA 9
Noé halo ró boot
Noé no ninia família hetan salvasaun tanba sira halo tuir Maromak maski ema barak mak lakohi rona.
ISTÓRIA 10
Rai-nabeen boot
Ema barak hamnasa kuandu Noé haklaken ba sira. Maibé bainhira udan tun sira la hamnasa tan! Aprende oinsá Noé no ninia família hetan salvasaun liuhusi ró boot.
