PARTE 3
Sai husi Ejitu toʼo liurai Izraél primeiru
Moisés lori ema Izraél sai husi dadur iha Ejitu ba Foho Sinai, iha neʼebá Maromak fó ninia ukun-fuan sira. Depois, Moisés haruka espiaun naʼin-12 atu hafuhu rai Kanaan. Maibé, sira naʼin-10 fila fali hodi konta istória la diʼak. Sira halo povu hakarak bá fali Ejitu. Tanba povu la fiar Maromak, Maromak fó kastigu hodi halo sira laʼo-lemo iha rai-fuik maran durante tinan 40.
Ikusmai, Maromak hili Josué atu lori ema Izraél tama rai Kanaan. Hodi ajuda sira foti rai neʼe, Jeová halo milagre sira. Nia halo Mota Jordaun la suli tan, moru Jerikó monu, no loro-matan para durante loron tomak. Depois tinan neen liu tiha, sira foti duni rai husi ema Kanaan.
Komesa ho Josué, juis sira ukun Izraél durante tinan 356. Ita sei aprende kona-ba juis barak hanesan Barac, Gideão, Jefté, Sansão no Samuel. Ita sei lee mós kona-ba feto sira hanesan Raab, Débora, Jael, Rute, Noemi no Dalila. Parte TOLU mak istória neʼebé akontese durante tinan 396.
IHA PARTE NE’E
ISTÓRIA 35
Jeová fó ninia ukun-fuan sira
Ukun-fuan rua saida mak importante liu fali Moisés nia Ukun-Fuan Sanulu?
ISTÓRIA 36
Karau-oan osan-mean
Tanbasá mak ema hakarak atu adora estátua neʼebé halo husi brinkus neʼebé nabeen?
ISTÓRIA 38
Espiaun naʼin-12
Espiaun naʼin-10 koʼalia buat ida, maibé naʼin-2 koʼalia seluk fali. Ema Izraél fiar ba se?
ISTÓRIA 39
Ai-funan moris husi Aarão nia ai-tonka
Oinsá mak ai-funan no ai-fuan tasak bele moris husi ai-tonka iha kalan ida deit?
ISTÓRIA 47
Naʼok-teen iha Izraél
Bele ka lae liuhusi ema aat ida bele halo problema ba nasaun tomak?
ISTÓRIA 48
Ema Jibeón neʼebé matenek
Sira lohi Josué no ema Izraél atu halo promesa ho sira, maibé ema Izraél sira kaer metin ba sira-nia promesa.
ISTÓRIA 50
Feto naʼin-rua neʼebé brani
Barac dirije tropa Izraél ba funu, entaun tanbasá Jael mak hetan fali gloria?
ISTÓRIA 52
Gideão no ninia ema naʼin-300
Jeová hatete ba Gideão atu hili deʼit ema neʼebé matan-moris bainhira sira hemu bee.
ISTÓRIA 53
Jefté nia promesa
Ninia promesa ba Jeová la’ós kona nia an rasik de’it maibé kona mos ninia oan-feto.
ISTÓRIA 55
Labarik kiʼik ida serbí Jeová
Maromak uza Samuel neʼebé sei kiʼik atu hatoʼo mensajen moruk ba Amlulik Boot Eli.