PARTE 5
Sai dadur iha Babilónia toʼo harii fali moru Jeruzalein
Durante tempu neʼebé sai dadur iha Babilónia, povu Izraél hasoru buat barak neʼebé koko sira-nia fiar. Ema soe Sadraque, Mesaque, Abednego iha fornu neʼebé ahi lakan makaʼas, maibé Maromak hasai sira husi mate. Tuirmai, depois Babilónia monu ba ema Média no Pérsia, ema soe Daniel ba leaun kuak, maibé Maromak mós proteje nia hodi taka leaun sira-nia ibun.
Ikusmai, liurai Pérsia naran Ciro halo povu Izraél sai livre. Tinan 70 foin liu tiha husi tempu neʼebé ema lori sira ba Babilónia nuʼudar dadur, sira fila fali ba sira-nia rai. Buat ida neʼebé sira halo ulukliu kuandu sira toʼo tiha Jeruzalein mak harii Jeová nia templu. Maibé lakleur, inimigu sira hapara sira-nia serbisu. Tan neʼe, maizumenus tinan 22 liu tiha husi tempu neʼebé sira fila ba Jeruzalein mak foin sira ramata sira-nia serbisu atu harii templu.
Tuirmai, ita aprende kona-ba Esdras nia viajen atu fila ba Jeruzalein atu hadiʼa templu neʼe sai kapás liu. Ida-neʼe akontese maizumenus tinan 47 depois sira ramata harii templu neʼe. Liutiha tinan 13 husi Esdras nia viajen, Neemias ajuda atu harii fali moru Jeruzalein neʼebé naksobu tiha ona. Parte LIMA mak istória neʼebé akontese durante tinan 152.
IHA PARTE NE’E
ISTÓRIA 77
Sira lakohi atu hakruʼuk
Maromak sei salva mane-klosan naʼin-tolu neʼe husi fornu neʼebé ahi-lakan makaʼas ka lae?
ISTÓRIA 80
Maromak nia povu sai husi Babilónia
Liurai Ciro husi Pérsia kumpre profesia ida kuandu nia hadau Babilónia, no agora kumpre seluk tan.
ISTÓRIA 81
Konfia ba Maromak nia ajuda
Ema Izraél kontra ema nia lei hodi halo tuir Maromak. Maromak sei fó bensaun ba sira ka lae?
ISTÓRIA 82
Mordecai no Ester
Liurai-feto Vasti mak bonita tebes, maibé Liurai Assuero troka nia ho Ester nuʼudar nia liurai-feto foun.Tanbasá?
ISTÓRIA 83
Moru Jeruzalein
Nuʼudar harii fali moru, serbisu-naʼin tenke hamutuk sira-nia surik no diman loron no kalan