PARTE 6
Jesus moris-mai toʼo mate
Maromak haruka anju Gabriel ba feto-raan ida neʼebé diʼak tebes, naran Maria. Nia hatete ba Maria katak Maria sei koʼus oan ida neʼebé sei ukun ba nafatin nuʼudar liurai. Oan neʼe mak Jesus, moris-mai iha balada-luhan, no bibi-atan sira vizita nia iha neʼebá. Tuirmai, fitun ida hatudu dalan ba ema sira husi leste atu bá toʼo labarik kiʼikoan neʼe. Ita sei aprende sé mak halo fitun neʼe mosu, no oinsá mak Maromak proteje Jesus husi ema neʼebé hakarak oho nia.
Tuirfalimai, ita sei haree Jesus, kuandu tinan 12 ona, koʼalia ho mestre sira iha templu. Tinan 18 liutiha neʼe, Jesus hetan batizmu, nia hahú halaʼo knaar neʼebé Maromak haruka nia atu halo iha Rai, haklaken no hanorin kona-ba Reinu. Atu ajuda halaʼo knaar neʼe, Jesus hili mane naʼin-12 nuʼudar apóstolu.
No mós, Jesus halo milagre barak. Nia fó-han ba ema rihun ba rihun ho ikan no paun uitoan deʼit. Nia kura ema moras sira, no mós halo ema mate moris filafali. Ikusliu, ita sei aprende kona-ba buat barak neʼebé akontese ba Jesus iha loron ikus iha ninia moris, no oinsá mak ema oho nia. Jesus haklaken maizumenus tinan tolu ho balun, nuneʼe, PARTE 6 hatoʼo istória neʼebé akontese durante tinan 34 resin nia laran.
IHA PARTE NE’E
ISTÓRIA 84
Anju ida vizita Maria
Nia lori mensajen husi Maromak: Maria sei iha oan neʼebé sai liurai ba nafatin.
ISTÓRIA 85
Jesus moris iha balada-luhan
Tanbasá mak ema ida neʼebé atu sai liurai, moris iha animál nia fatin?
ISTÓRIA 86
Fitun ida neʼebé hatudu dalan ba ema
Sé mak hatudu dalan ba Siʼikdór sira kona-ba Jesus? Resposta sei halo ita hakfodak.
ISTÓRIA 87
Labarik Jesus iha templu
Ema hotu, inklui mestre sira hakfodak loos tanba Jesus matenek tebes.
ISTÓRIA 88
Joao fó batizmu ba Jesus
João fó batizmu ba ema sala-naʼin, maibé Jesus la halo sala ida. Tanba sá João fó batizmu ba nia?
ISTÓRIA 90
Ho feto ida iha bee-matan
Oinsá mak bee neʼebé Jesus konvida nia atu hemu la hanesan ho bee baibain?
ISTÓRIA 91
Jesus hanorin iha foho ida
Aprende kona-ba matadalan neʼebé iha folin boot husi Jesus nia diskursu iha foho.
ISTÓRIA 92
Jesus halo ema mate moris fali
Hodi uza kbiit husi Maromak, Jesus temi liafuan rua deʼit no fó moris fali ba Jairo nia oan-feto.
ISTÓRIA 93
Jesus fó-han ba ema barak
Jesus hatudu pontu importante saida, bainhira nia uza milagre atu fó-han ema barak?
ISTÓRIA 94
Nia hadomi labarik kiʼikoan sira
Jesus hatudu nia apóstolu sira katak sira iha buat barak atu aprende kona-ba labarik sira no mós husi labarik sira.
ISTÓRIA 95
Dalan neʼebé Jesus hanorin
Jesus nia ai-knanoik kona-ba ema samaritanu mak ezemplu diʼak ida kona-ba dalan neʼebé Jesus gosta uza hodi hanorin ema.
ISTÓRIA 98
Iha Foho Oliveira
Jesus fó-hatene ba ninia apóstolu nain-4 kona-ba buat balu neʼebé sei akontese iha ita-nia loron.
ISTÓRIA 99
Iha sala andár-leten
Tanba sá mak Jesus haruka nia dixípulu sira atu selebra han espesiál ida-neʼe tinan-tinan?